Сцяг Нядзеля, 19 мая 2024
Усе навіны
Усе навіны
У свеце
26 студзеня 2024, 10:29

ЗША забаранілі Расіі ўдзел у пасяджэнні Міжнароднага савета па збожжы

Фота з архіва
Фота з архіва
26 студзеня, Мінск /Кар. БЕЛТА/. Улады ЗША адмовілі расійскім дыпламатам у магчымасці прыняць удзел у пасяджэнні Міжнароднага савета па збожжы ў Новым Арлеане (штат Луізіяна), паведамляе ТАСС са спасылкай на заяву расійскага дыппрадстаўніцтва ў ЗША ў сваім Telegram-канале.

"Чарговы раз звяртаем увагу грамадскіх колаў і СМІ на дэструктыўную практыку амерыканскіх улад па абмежаванні службовых паездак пасольства Расіі па тэрыторыі Злучаных Штатаў", - адзначылі ў публікацыі.

У ёй таксама гаворыцца, што колькасць адмоў Дзярждэпартамента на належным чынам аформленыя натыфікацыйныя запыты на камандзіроўкі за межы Вашынгтона пастаянна расце. Пры гэтым чыноўнікі не тлумачаць прычыну такіх рашэнняў і не хочуць размаўляць з расійскімі дыпламатамі.

"Абуральным выпадкам стала забарона на ўдзел дыпламатаў у пасяджэнні Міжнароднага савета па збожжы 24 студзеня ў Новым Арлеане. Такім учынкам ЗША яўна прадэманстравалі, што лёгка гатовы парушаць свае абавязацельствы ў якасці прымаючага боку шматбаковых пасяджэнняў", - падкрэслілі ў заяве.

Дыпламаты заклікалі ўлады Злучаных Штатаў разважліва ацаніць наступствы курсу на далейшае выпустошванне двухбаковых адносін, а таксама запатрабавалі адказна падыходзіць да функцый арганізатара міжнародных сустрэч.-0-
Падпісвайцеся на нас у
Twitter
Топ-навіны
Свежыя навіны Беларусі