ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Ясна +12°C
Усе навіны
Усе навіны
У свеце
27 ліпеня 2022, 10:40

У Турцыі заявілі, што па збожжавым калідоры могуць даставіць да 50 млн т збожжа

Фота з архіва
Фота з архіва

27 ліпеня, Мінск /Кар. БЕЛТА/. Да 50 млн т збожжа можа быць дастаўлена да канца гэтага года з Украіны і Расіі пры садзейнічанні збожжавага цэнтра ў Турцыі. Аб гэтым заявіў афіцыйны прадстаўнік прэзідэнта Турцыі Ібрагім Калын, паведамляе ТАСС са спасылкай на Bloomberg.

"Да канца бягучага года пры каардынацыі збожжавага цэнтра ў Стамбуле, які будзе знаходзіцца пад наглядам ААН, з Расіі і Украіны на сусветныя рынкі можа быць перавезена ад 40 да 50 млн т збожжа", - адзначыў Калын.

Ён таксама дадаў, што амаль 20-25 млн т збожжавых захоўваецца на ўкраінскіх складах, а яшчэ 25-30 - расійскіх.

Прадстаўнік турэцкага лідара дапусціў магчымасць прадаўжэння збожжавых пагадненняў, паколькі пакуль іх дзеянне разлічана на чатыры месяцы. "Калі бакі дамовяцца, яны могуць быць аўтаматычна прадоўжаны", - сказаў Калын.

Bloomberg паведамляе, што экспарт збожжа з украінскіх партоў можа аднавіцца ўжо на працягу тыдня.

22 ліпеня ў турэцкай сталіцы былі падпісаны пагадненні, накіраваныя на вырашэнне праблемы з пастаўкамі прадуктаў харчавання і ўгнаенняў на сусветныя рынкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі