ДЗЯРЖОРГАНЫДЗЯРЖОРГАНЫ
Флаг Пятніца, 23 ліпеня 2021
Мінск Пераменная воблачнасць +20°C
Усе навіны
Усе навіны
У свеце
23 чэрвеня 2021, 16:27

У Расіі захваральнасць на COVID за мінулы тыдзень узрасла на 30 працэнтаў, смяротнасць - на 21,3 працэнта

Фота ТАСС
Фота ТАСС

23 чэрвеня, Мінск /Кар. БЕЛТА/. Захваральнасць на каранавірусную інфекцыю ў Расіі за мінулы тыдзень узрасла амаль на 30 працэнтаў, смяротнасць - на 21,3 працэнта. Аб гэтым заявіла віцэ-прэм'ер Расіі Таццяна Голікава, паведамляе ТАСС.

Адной з прычын росту захваральнасці на кавід у Расіі застаецца невыкананне абмежавальных мер, адзначыла Таццяна Голікава. Як паказвае статыстыка, захваральнасць першай пачала расці ў тых рэгіёнах Расіі, дзе знята забарона на масавыя мерапрыемствы.

Віцэ-прэм'ер таксама паведаміла, што тэмпы вакцынацыі ад каранавіруса ў Расіі ўзраслі ў сярэднім у 1,7 раза за тыдзень. "Мы адзначаем, што ў апошні тыдзень павелічэнне тэмпаў вакцынацыі ўзрасло ў 1,7 раза ў сярэднім па Расіі і ў разы - у асобных рэгіёнах краіны. Такіх рэгіёнаў дзесяць, якія ўвялі абавязковую вакцынацыю асобных катэгорый грамадзян", - сказала Таццяна Голікава.

Больш за 16 млн чалавек у Расіі прайшлі поўны курс вакцынацыі ад новай каранавіруснай інфекцыі, больш за 20 млн атрымалі першы кампанент прэпарату.

Людзі ва ўзросце ад 20 да 49 гадоў больш рызыкуюць заразіцца індыйскім штамам каранавіруснай інфекцыі, паведаміла віцэ-прэм'ер. "Паводле заключэння міжнародных і нашых даследчыкаў, штам дэльта мае больш высокую кантагіёзнасць. І я хачу адзначыць, што нашы грамадзяне ва ўзросце ад 20 да 49 гадоў, якія з'яўляюцца найбольш сацыяльна актыўнымі, працаздольнымі, яны і рызыкуюць у большай ступені захварэць на гэту інфекцыю з тым штамам, аб якім я сказала", - заявіла Таццяна Голікава.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі