Сцяг Панядзелак, 15 красавіка 2024
Усе навіны
Усе навіны
У свеце
22 лютага 2023, 16:14

Турцыя запускае праграму эканамічнай падтрымкі ў зоне землетрасення

22 лютага, Мінск /Кар. БЕЛТА/. Турцыя запусціла праграму эканамічнай падтрымкі і забараніла звальненні ў 10 правінцыях, каб абараніць прадпрыемствы і работнікаў ад фінансавых наступстваў моцных землетрасенняў, што адбыліся ў краіне ў пачатку гэтага месяца. Аб гэтым паведамляе Reuters.

Такія меры з'яўляюцца часткай крокаў турэцкага ўрада, накіраваных на мінімізацыю эканамічных наступстваў мацнейшага ў сучаснай гісторыі Турцыі землетрасення, у выніку якога загінулі дзясяткі тысяч чалавек.

Работадаўцы на прадпрыемствах, дзе рабочыя месцы былі "моцна або ўмерана пашкоджаны", атрымаюць падтрымку, каб часткова пакрыць заработную плату работнікаў, чый рабочы дзень быў скарочаны.

Колькасць загінулых пры землетрасеннях у Турцыі склала больш як 42,3 тыс. чалавек. Землетрасенне пашкодзіла або разбурыла сотні тысяч будынкаў у Турцыі і суседняй Сірыі, а таксама пакінула без жылля мноства людзей. Прэзідэнт Турцыі Таіп Эрдаган заявіў 21 лютага, што цяпер у краіне 865 тыс. чалавек жывуць у палатках і 23,5 тыс. - у кантэйнерных дамах, а 376 тыс. - у студэнцкіх інтэрнатах і грамадскіх гасцявых дамах за межамі зоны землетрасення. Эксперты адзначаюць, што землетрасенне можа каштаваць Анкары да $100 млрд, сродкі спатрэбяцца ў тым ліку на аднаўленне жылля і інфраструктуры.-0-

Падпісвайцеся на нас у
Twitter
Топ-навіны
Свежыя навіны Беларусі