5 чэрвеня, Мінск /Кар. БЕЛТА/. Цэнтрвыбаркам Узбекістана зарэгістраваў дзеючага кіраўніка дзяржавы Шаўката Мірзіёева кандыдатам на датэрміновых выбарах прэзідэнта. Аб гэтым інфармуе ТАСС са спасылкай на трансляцыю пасяджэння ведамства.
Цэнтральнай выбарчай камісіяй на пасяджэнні 5 чэрвеня зарэгістраваны яшчэ тры кандыдаты, якія былі вылучаны палітычнымі партыямі краіны. Кандыдатура Шаўката Мірзіёева для ўдзелу ў прэзідэнцкіх выбарах была вылучана Ліберальна-дэмакратычнай партыяй Узбекістана 30 мая.
Раней дзеючы лідар Узбекістана Шаўкат Мірзіёеў падпісаў закон аб правядзенні датэрміновых прэзідэнцкіх выбараў у краіне. Указам кіраўніка дзяржавы яны назначаны на 9 ліпеня 2023 года. Гэта будуць першыя прэзідэнцкія выбары ва Узбекістане пасля ўнясення паправак у Канстытуцыю.
30 красавіка ва Узбекістане адбыўся ўсенародны рэферэндум па новай рэдакцыі Канстытуцыі, якая прадугледжвае прадаўжэнне тэрміну паўнамоцтваў прэзідэнта з пяці да сямі гадоў, а таксама дае магчымасць Шаўкату Мірзіёеву выбірацца на гэту пасаду яшчэ раз пасля двух тэрмінаў запар.-0-
