ДЗЯРЖОРГАНЫДЗЯРЖОРГАНЫ
Флаг Панядзелак, 28 лістапада 2022
Мінск -3°C
Усе навіны
Усе навіны
У свеце
27 ліпеня 2022, 10:53

Спецдакладчык ААН: аднабаковыя санкцыі Захаду кінулі сур'ёзны выклік абароне правоў чалавека

Фота з архіва
Фота з архіва

27 ліпеня, Мінск /Кар. БЕЛТА/. Спецыяльны дакладчык ААН па пытанні аб негатыўным уздзеянні аднабаковых прымусовых мер на ажыццяўленне правоў чалавека прафесар Алена Доўгань выказала занепакоенасць аднабаковымі санкцыямі, уведзенымі Захадам. Аб гэтым яна заявіла ў час Пекінскага форуму па правах чалавека, паведамляе кітайская газета Global Times.

"З вялікім шкадаваннем вымушана прызнаць, што аднабаковыя прымусовыя меры ўяўляюць сабой сёння адзін з самых сур'ёзных выклікаў салідарнасці, універсальнасці, развіццю і абароне правоў чалавека", - заявіла Доўгань.

Спецдакладчык ААН адзначыла, што кожны дзень у свеце ўводзяцца новыя аднабаковыя санкцыі. Яны прымяняюцца супраць некаторых асоб, кампаній, сектараў эканомікі, эканомік у цэлым, а таксама ў адносінах да некаторых асоб і кампаній, якія супрацоўнічаюць з тымі, хто ўжо быў уключаны ў санкцыйны спіс або можа трапіць у гэты спіс у будучым.

Доўгань таксама адзначыла, што санкцыі прыводзяць да росту беспрацоўя, уключэння ў ценявую эканоміку, карупцыі, сексуальнай эксплуатацыі і злачыннасці. Пры гэтым абмежавальныя меры перш за ўсё закранаюць найбольш слабаабароненыя катэгорыі грамадзян: жанчын, дзяцей, людзей з нізкімі даходамі, тых, хто мае патрэбу ў сацыяльнай і медыцынскай дапамозе.

"Правы чалавека могуць быць абаронены і выконвацца толькі ў тым выпадку, калі супрацоўніцтва, дыялог, вяршэнства права і забарона на дыскрымінацыю і двайныя стандарты прымяняюцца кожнай дзяржавай і кожнай міжнароднай арганізацыяй у якасці асновы для міжнародных адносін", - заявіла спецдакладчык ААН.

Яна дадала, што сёння аднабаковыя санкцыі сталі распаўсюджаным і простым у выкарыстанні палітычным інструментам.

Аб негатыўным уплыве санкцый заявілі і іншыя ўдзельнікі Пекінскага форуму па правах чалавека. Так, прэзідэнт Кітайскай міжнароднай камунікацыйнай групы (CICG) Ду Чжаньюань заявіў, што санкцыі ў эканоміцы і навукова-тэхнічнай сферы, увядзеныя некаторымі краінамі, выклікалі глабальную інфляцыю.

Спецыяліст у галіне міжнароднага права і былы прэзідэнт Славеніі Даніла Цюрк, які выступіў па відэасувязі, заявіў, што свет мае патрэбу ў глабальным супрацоўніцтве, а не канфрантацыі. "Супрацоўніцтву трэба аддаць перавагу перад канкурэнцыяй і канфрантацыяй. Гэта не толькі палітычнае патрабаванне... Гэта таксама патрабаванне правоў чалавека", - сказаў ён.

Пекінскі форум па правах чалавека адбыўся 26 ліпеня. Ён сабраў каля 200 удзельнікаў з амаль 70 краін свету і міжнародных арганізацый, якія абмеркавалі пытанні, што закранаюць правы чалавека, украінскі крызіс, а таксама ўведзеныя Захадам аднабаковыя санкцыі, якія выклікаюць вялікія апасенні ва ўсім свеце.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі