Сцяг Пятніца, 21 чэрвеня 2024
Усе навіны
Усе навіны
У свеце
08 мая 2024, 17:59

Пуцін: ЕАЭС за 10 гадоў умацаваўся ў якасці аднаго з самадастатковых цэнтраў шматпалярнага свету, які фарміруецца

Уладзімір Пуцін
Уладзімір Пуцін
8 мая, Масква /Кар. БЕЛТА/. ЕАЭС за 10 гадоў умацаваўся ў якасці аднаго з самадастатковых цэнтраў шматпалярнага свету, які фарміруецца. Аб гэтым Прэзідэнт Расіі Уладзімір Пуцін заявіў на адкрыцці пасяджэння Вышэйшага Еўразійскага эканамічнага саюза, перадае карэспандэнт БЕЛТА.

Расійскі лідар усіх вітаў на саміце, прысвечаным 10-й гадавіне падпісання Дагавора аб стварэнні Еўразійскага эканамічнага саюза.

"Гэта важнейшы прававы дакумент, на аснове якога выбудоўваецца ўвесь працэс еўразійскай інтэграцыі. У ім у якасці ключавой пастаўленай задачы - стварэнне адзінага рынку са свабодным рухам тавараў, паслуг, капіталаў і рабочай сілы. А таксама замацаваны такія асноўныя прынцыпы інтэграцыйнага ўзаемадзеяння, як раўнапраўе, узаемная выгада, паважанне і ўлік інтарэсаў адзін аднаго. З задавальненнем адзначаем, што за мінулае дзесяцігоддзе наша аб'яднанне ўмацавалася ў якасці аднаго з самастойных і самадастатковых цэнтраў шматпалярнага свету, які фарміруецца", - заявіў Уладзімір Пуцін.

Ён падкрэсліў, што ЕАЭС цяпер - гэта эфектыўная і дынамічная інтэграцыйная структура, дзейнасць якой садзейнічае росту гандлю і інвестыцыйных абменаў, актывізацыі дзелавых кантактаў, пашырэнню кааперацыйных сувязей, што ў рэшце рэшт прыносіць рэальную выгаду кожнаму з удзельнікаў саюза, а таксама вядзе да павышэння якасці жыцця і дабрабыту грамадзян.

"Эканамічныя паказчыкі гавораць самі за сябе. За 10 гадоў сукупны ВУП дзяржаў ЕАЭС па існуючых ацэнках павялічыўся з $1,6 трлн да $2,5 трлн. Тавараабарот з трэцімі краінамі вырас на 60 працэнтаў - з $579 млрд да $923 млрд. А аб'ём узаемнага гандлю вырас амаль у 2 разы з $45 млрд да $89 млрд. Прычым больш за 90 працэнтаў разлікаў праводзяцца ўжо ў нацыянальных валютах. Характэрна, што дадатная макраэканамічная дынаміка захоўваецца і ў бягучым годзе", - прывёў шэраг фактаў кіраўнік расійскай дзяржавы.

Уладзімір Пуцін запэўніў, што Расія высока цэніць узаемавыгадныя шматпланавыя сувязі з партнёрамі па ЕАЭС і шчыра імкнецца да далейшай сумеснай работы па ўсебаковым развіцці і ўмацаванні інтэграцыйнага аб'яднання.

Прэзідэнт асабліва адзначыў, што саміт у Маскве не проста юбілейны, а па-сапраўднаму рабочы і дзелавы. У парадку дня шэраг новых падрыхтаваных рашэнняў, маючых стратэгічных характар і накіраваных на паглыбленне супрацоўніцтва ў розных сферах.-0-
Падпісвайцеся на нас у
Twitter
Топ-навіны
Свежыя навіны Беларусі