Сцяг Серада, 21 лютага 2024
Усе навіны
Усе навіны
У свеце
02 сакавіка 2023, 18:28

Новым прэзідэнтам В'етнама стаў Во Ван Тхыонг

2 сакавіка, Мінск /Кар. БЕЛТА/. Парламент В'етнама ў ходзе пазачарговай сесіі выбраў новым прэзідэнтам краіны члена Палітбюро, пастаяннага члена Сакратарыята Цэнтральнага камітэта правячай Кампартыі В'етнама (КПВ) Во Ван Тхыонга. Аб гэтым інфармуе ТАСС.

Нацыянальны сход (аднапалатны парламент) Сацыялістычнай Рэспублікі В'етнам 2 сакавіка разгледзеў і зацвердзіў кандыдатуру Во Ван Тхыонга на пасаду кіраўніка дзяржавы. Цырымонія ўступлення на пасаду прэзідэнта краіны прайшла адразу ж пасля абвяшчэння вынікаў галасавання.

"Перад свяшчэнным дзяржаўным сцягам, Нацыянальным сходам, суайчыннікамі і выбаршчыкамі ўсёй краіны я, прэзідэнт Сацыялістычнай Рэспублікі В'етнам, клянуся быць цалкам верным Радзіме, народу, Канстытуцыі Сацыялістычнай Рэспублікі В'етнам і прыкласці ўсе намаганні для паспяховага выканання задач, даручаных партыяй, дзяржавай і народам", - заявіў Во Ван Тхыонг у час цырымоніі.

52-гадовы Во Ван Тхыонг стаў 12-м прэзідэнтам у гісторыі сучаснага В'етнама. Ён нарадзіўся 13 снежня 1970 года ў паўднёвай правінцыі Віньлонг. У розныя гады займаў кіруючыя пасады ў Саюзе камуністычнай моладзі В'етнама, у партарганізацыях на месцах, а ў чэрвені 2007 года быў выбраны дэпутатам Нацыянальнага сходу. У лютым 2021 года Во Ван Тхыонга выбралі пастаянным членам Сакратарыята ЦК КПВ. З 2021 года ён займаў пасаду намесніка старшыні Цэнтральнага кіруючага камітэта па барацьбе з карупцыяй і негатыўнымі з'явамі.

Раней паведамлялася, што 17 студзеня 2023 года прэзідэнт В'етнама Нгуен Суан Фук пайшоў у адстаўку. 18 студзеня часова выконваючай абавязкі прэзідэнта краіны была назначана віцэ-прэзідэнт В'етнама Во Тхі Ань Суан.-0-

Падпісвайцеся на нас у
Twitter
Топ-навіны
Свежыя навіны Беларусі