Фота з архіва
31 жніўня, Мінск /Кар. БЕЛТА/. У адпаведнасці з новымі санітарнымі правіламі з 1 верасня бягучага года ва ўсіх школах Расіі мабільныя тэлефоны на ўроках будуць пад забаронай. Аб гэтым піша РБК са спасылкай на міністра асветы Расіі Сяргея Краўцова.
На сайце Мінасветы РФ сёння была арганізавана трансляцыя Агульнарасійскага бацькоўскага сходу.
Міністр падкрэсліў, што тэлефоны на ўроках прымяняць не дапускаецца. Выключэнне могуць скласці толькі выпадкі, калі прымяненне такой тэхнікі неабходна для вучэбнага працэсу.
Раней, у красавіку 2022 года, міністр асветы Расіі заяўляў, што ведамства разашле школьным установам рэкамендацыі, па якіх вучні павінны здаваць мабільнікі або планшэты перад пачаткам заняткаў.-0-
