Сцяг Субота, 20 красавіка 2024
Усе навіны
Усе навіны
У свеце
24 лютага 2023, 09:47

МЗС Кітая прадставіла мірны план з 12 пунктаў па ўрэгуляванні ўкраінскага крызісу

24 лютага, Мінск /Кар. БЕЛТА/. МЗС Кітая апублікавала план урэгулявання ўкраінскага крызісу. Дакумент складаецца з 12 пунктаў і размешчаны на афіцыйным сайце ведамства, паведамляюць РІА Навіны.

Пекін звярнуў увагу на неабходнасць паважаць суверэнітэт і тэрытарыяльную цэласнасць усіх краін, заклікаў адмовіцца ад двайных стандартаў і прымяняць міжнароднае права да ўсіх аднолькава.

Яшчэ адна ўмова - адмаўленне ад менталітэту халоднай вайны, паколькі ўзмацненне і пашырэнне ваенных блокаў не забяспечыць рэгіянальную бяспеку.

Чарговы пункт заклікае спыніць баявыя дзеянні і вайну, таму што ў канфліктах няма пераможцаў. Бакі павінны захоўваць стрыманасць, каб не дапусціць далейшай эскалацыі і выхаду ўкраінскага крызісу з-пад кантролю.

Асобны пункт прысвечаны мірным перагаворам. На думку Кітая, канструктыўны дыялог - адзіны выхад з украінскага крызісу. Для аднаўлення перагавораў паміж Расіяй і Украінай неабходна стварыць умовы.

Таксама Пекін звярнуў увагу на абмен ваеннапалоннымі паміж Масквой і Кіевам і падкрэсліў неабходнасць процістаяць узброеным нападам на мірныя ядзерныя аб'екты. Яшчэ адна прапісаная ў дакуменце пазіцыя датычыцца недапушчальнасці прымянення ядзернай зброі.

Кітай таксама заклікаў усе бакі выконваць пагадненне аб перавозцы збожжа па Чорным моры і выступіў супраць злоўжывання аднабаковымі санкцыямі ў кантэксце ўкраінскага канфлікту, паколькі гэта стварае новыя праблемы. Акрамя таго, у заяве змешчаны заклік забяспечыць стабільнасць ланцужкоў вытворчасці і паставак.

У заключным пункце Кітай выказаў гатоўнасць аказаць дапамогу і адыграць канструктыўную ролю ў пасляваенным аднаўленні ў зоне канфлікту.-0-

Падпісвайцеся на нас у
Twitter
Топ-навіны
Свежыя навіны Беларусі