19 красавіка, Мінск /Кар. БЕЛТА/. Кіраўнік МЗС Расійскай Федэрацыі Сяргей Лаўроў заявіў, што многія краіны Лацінскай Амерыкі імкнуцца выйсці з-пад заходняга ўплыву, паведамляе ТАСС.
Кіраўнік расійскага знешнепалітычнага ведамства ўказаў на шматлікія спробы калектыўнага Захаду спыніць незалежныя дзеянні ў Лацінскай Амерыцы і ў іншых рэгіёнах свету.
"Усе ўжо зразумелі за апошнія некалькі гадоў, што залежнасць ад амерыканскага долара, ад тых прынцыпаў глабалізацыі, якія самі ж амерыканцы доўгія гады ўкаранялі ў жыццё сусветнай супольнасці, да дабра не даводзіць", - сказаў Сяргей Лаўроў. Ён растлумачыў, што Захад у любы момант можа пераступіць праз названыя прынцыпы, у ліку якіх свабодны рынак, добрасумленная канкурэнцыя і недатыкальнасць уласнасці, калі яму трэба некага пакараць за "непаслушэнства".
Лаўроў заявіў, што колькасць краін, якія самастойна выбіраюць свой шлях, у Лацінскай Амерыцы прадаўжае расці. Ён удакладніў, што да іх адносяцца, напрыклад, Куба, Венесуэла і Нікарагуа.
Кіраўнік МЗС РФ падкрэсліў, што супрацоўніцтва Венесуэлы з Расіяй "садзейнічае ўмацаванню асноў самастойнай нацыянальнай эканомікі, якая не залежыць ад капрызаў і шантажу з боку заходніх калег". Паводле яго слоў, такія ж адносіны складваюцца ў Расіі з Кубай і Нікарагуа.
"Будзем рабіць усё, развіваючы ўзаемавыгаднае супрацоўніцтва з кожнай з гэтых краін, каб яны паспяхова вырашалі свае задачы, якія адлюстроўваюць чаканні, адпавядаюць інтарэсам іх народаў", - падкрэсліў Лаўроў.-0-
