Сцяг Чацвер, 18 красавіка 2024
Усе навіны
Усе навіны
У свеце
27 лютага 2024, 16:58

 Лаўроў: у Еўропе не ўсім падабаюцца працэсы начынення Украіны зброяй

Сяргей Лаўроў. Фота ТАСС
Сяргей Лаўроў. Фота ТАСС
27 лютага, Мінск /Кар. БЕЛТА/. Міністр замежных спраў Расіі Сяргей Лаўроў заявіў, што грамадзяне шэрага еўрапейскіх краін выступаюць супраць начынення Украіны зброяй. Аб гэтым паведамляе ТАСС.

Выступаючы на прэс-канферэнцыі па выніках перагавораў у Маскве з прэм'ер-міністрам Емена, кіраўніком МЗС рэспублікі Ахмедам Авадам бен Мубаракам, Лаўроў сказаў: "У Еўропе не ўсім падабаюцца працэсы прадаўжэння начынення Украіны зброяй. Вы бачыце, якія дэманстрацыі ідуць, пратэсты".

Акрамя таго, кіраўнік расійскай дыпламатыі заявіў, што Еўропа раіць прэзідэнту Украіны Уладзіміру Зяленскаму збіраць як мага больш краін на "пасядзелкі" вакол яго "формулы міру" і рабіць на іх "сямейныя фатаграфіі".

"Мне адзін з маіх добрых таварышаў паказаў, якія парады еўрапейцы даюць Зяленскаму пры арганізацыі вось гэтых вось пасядзелак вакол "формулы міру". Парады галоўныя заключаюцца ў тым, што збірайце як мага больш краін, абяцайце што хочаце, толькі б яны прыехалі, - сказаў Лаўроў. - Другая парада ўкраінцам ад Еўрасаюза - ні ў якім разе не распаўсюджвайце на любой з гэтых сустрэч якія-небудзь праекты дакументаў, таму што не будзе ў вас падтрымкі ўсіх удзельнікаў, а нам і вам важна гэту падтрымку паказаць, таму, я цытую: "У кожнай з такіх сустрэч павінна быць сямейная фатаграфія". І чым больш на гэтай фатаграфіі будзе народу, тым больш пераканаўчым, як яны лічаць, будзе тлумачэнне, што вось Расія, значыць, цяпер процістаіць усяму прагрэсіўнаму чалавецтву".

Лаўроў дадаў, што база, з якой Швейцарыя і іншыя краіны Захаду гатовы працаваць па ўкраінскім урэгуляванні, з'яўляецца "абсалютна тупіковай". Таксама кіраўнік МЗС РФ адзначыў, што Зяленскі, гаворачы аб планах перадаць Расіі "план міру", мае на ўвазе ўльтыматум.-0-
Падпісвайцеся на нас у
Twitter
Топ-навіны
Свежыя навіны Беларусі