5 мая, Мінск /Кар. БЕЛТА/. Кіраўнік знешнепалітычнага ведамства Расійскай Федэрацыі Сяргей Лаўроў заклікаў заходнія дзяржавы "паводзіць сябе прыстойна" на міжнароднай арэне, паведамляе ТАСС.
"Давайце будзем называць рэчы сваімі імёнамі: ніхто не дазваляў заходняй меншасці гаварыць ад імя ўсяго чалавецтва. Трэба паводзіць сябе прыстойна і паважаць усіх без выключэння членаў міжнароднай супольнасці", - заявіў дыпламат.
Лаўроў адзначыў, што заходнія краіны на чале са Злучанымі Штатамі ажыццяўляюць незаконныя дзеянні ў адносінах да тых, хто выбудоўвае сваю палітыку ў адпаведнасці з міжнародным правам. Усе, хто выказвае нязгоду з Захадам, аказваюцца ў чорных спісах. Па сутнасці, Захад дзейнічае, зыходзячы з прынцыпу "хто не з намі, той супраць нас".
Дыпламат заявіў, што Захад выбудоўвае ўласную ідэалогію, выкарыстоўваючы тэрмін "дэмакратыя", а таксама стварае "клубы выбраных". Каб стрымаць развіццё іншых краін, Захад прымяняе аднабаковыя меры. Сярод іх - перакрыццё доступу да сучасных тэхналогій і фінансавых паслуг, выцясненне з ланцужкоў паставак, канфіскацыя ўласнасці, знішчэнне крытычнай інфраструктуры канкурэнтаў.
Усё гэта вядзе да фрагментацыі глабальнага гандлю, падрыву ўніверсальных рыначных механізмаў, ператварэння фінансавых арганізацый у інструмент дасягнення мэт Злучаных Штатаў і іх заходніх партнёраў, сказаў на заканчэнне Лаўроў.-0-
