Сцяг Аўторак, 25 чэрвеня 2024
Усе навіны
Усе навіны
У свеце
27 сакавіка 2023, 15:33

Лаўроў: Індыя, Кітай і шэраг іншых краін не будуць дапамагаць Захаду ўтрымліваць гегемонію ў свеце

27 сакавіка, Мінск /Кар. БЕЛТА/. Шэраг краін, уключаючы Індыю і Кітай, не будзе садзейнічаць Захаду ў захаванні яго гегемоніі ў свеце. Аб гэтым заявіў кіраўнік расійскага МЗС Сяргей Лаўроў, паведамляе ТАСС.

Лаўроў адзначыў, што свет сёння шматпалярны і нямногія краіны будуць дзеля Захаду прыносіць у ахвяру ўласныя інтарэсы. На гэта ўказвае той факт, што каля трох чвэрцей краін не падтрымалі санкцыі супраць РФ. Яны прытрымліваюцца ўзважанага падыходу да падзей ва Украіне.

Размова ідзе пра Кітай і Індыю, а таксама пра многія краіны Еўразійскага кантынента, Блізкага Усходу, Азіяцка-Ціхаакіянскага рэгіёна, Лацінскай Амерыкі і Афрыкі, адзначыў Лаўроў. "Яны не хочуць адступацца ад сваіх законных нацыянальных інтарэсаў дзеля таго, каб дапамагаць англасаксам і іх памочнікам захоўваць сваю гегемонію або, скажу больш правільна, спрабаваць утрымаць сваю гегемонію на сусветнай арэне", - заявіў Лаўроў.

Ён адзначыў, што нядаўні візіт кітайскага лідара Сі Цзіньпіна ў Расію прадэманстраваў сусветнай супольнасці, што палітыка ў духу "падзяляй і пануй" асуджана на правал.-0-

Падпісвайцеся на нас у
Twitter
Топ-навіны
Свежыя навіны Беларусі