Фота Агенцтва Анадолу
8 лютага, Мінск /Кар. БЕЛТА/. Колькасць загінулых у выніку маштабных землетрасенняў у Турцыі ўзрасла да 7108. Аб гэтым паведамляе Агенцтва Анадолу.
Паводле апошніх даных, у выніку стыхійнага бедства ў Турцыі пацярпелі 40 910 чалавек. Улады краіны адзначаюць, што колькасць ахвяр і параненых прадаўжае імкліва расці. Вядуцца пошукава-выратавальныя работы, пад заваламі ўсё яшчэ знаходзіцца шмат людзей.
Прэзідэнт Турцыі Рэджэп Таіп Эрдаган адправіўся ў турэцкія правінцыі, найбольш пацярпелыя ад землетрасенняў. Адзначаецца, што кіраўнік дзяржавы будзе на месцах каардынаваць работы ў зоне бедства. Першым пунктам у графіку паездкі будзе горад Кахраманмараш, далей прэзідэнт Турцыі накіруецца ў раён Пазарджык і правінцыю Хатай.-0-
