23 чэрвеня, Мінск /Кар. БЕЛТА/. Грамадзян Украіны чакае звышскладаная зіма, да халадоў трэба пачынаць рыхтавацца ўжо цяпер. Аб гэтым заявіў міністр развіцця абшчын і тэрыторый Украіны Аляксей Чарнышоў, піша ТАСС.
Міністр адзначыў відавочнасць таго факта, што гэта зіма стане звышскладанай для ўкраінцаў. Як краіна перажыве будучыя халады, залежыць ад кожнага яе жыхара, пачынаць рыхтавацца трэба ўжо сёння.
Ён таксама заявіў, што ацяпляльны сезон ва Украіне ў бягучым годзе пачнецца своечасова, аднак цяпло трэба будзе эканоміць. Паводле слоў міністра, тэмпература ў кватэрах павінна складаць 18-20 градусаў.
Раней прэм'ер Украіны Дзяніс Шмыгаль заяўляў, што на пачатак лета запасы ва ўкраінскіх ПСГ складалі 10 млрд куб.м. Для нармальнага праходжання ацяпляльнага сезона краіне неабходна амаль у 2 разы больш запасаў газу.-0-
