Сцяг Чацвер, 25 красавіка 2024
Усе навіны
Усе навіны
У свеце
27 студзеня 2023, 11:19

Японія з 3 лютага ўводзіць забарону на экспарт у РФ вакцын, медабсталявання і робатаў

27 студзеня, Мінск /Кар. БЕЛТА/. Улады Японіі прынялі рашэнне з 3 лютага забараніць пастаўкі ў Расію вакцын, медыцынскіх вырабаў, робатаў і некаторых іншых тавараў, паведамляе ТАСС са спасылкай на заяву Міністэрства эканомікі, гандлю і прамысловасці Японіі.

Адзначаецца, што таксама будзе забаронены экспарт у Расію абсталявання для атамных аб'ектаў, разведкі нафты і прыроднага газу, партатыўных генератараў, радыеактыўных матэрыялаў, рэчываў, якія могуць быць выкарыстаны ў якасці сыравіны ў ваенных мэтах, а таксама розных хімічных рэчываў, у тым ліку слёзатачывага газу, парашку для зняцця адпячаткаў пальцаў. Усяго ў пераліку больш за 80 найменняў тавараў.

Гэта забарона ўводзіцца ў рамках новага пакета японскіх санкцый супраць РФ з-за канфлікту ва Украіне.

Раней Японія ўжо зацвярджала спіс забароненых да экспарту ў Расію тавараў і тэхналогій. Сярод іх - паўправаднікі, праграмнае забеспячэнне, сродкі сувязі, нафтаперапрацоўвае абсталяванне.-0-

Падпісвайцеся на нас у
Twitter
Топ-навіны
Свежыя навіны Беларусі