24 мая, Мінск /Кар. БЕЛТА/. Урад Германіі і ЕС не дазволяць актыўнага правядзення расследавання ўзрываў на "Паўночных патоках", бо не плануюць іх аднаўляць. Такое меркаванне выказаў дэпутат Еўрапарламента ад ФРГ Гунар Бек у інтэрв'ю газеце "Известия".
Паводле яго слоў, Берлін і Еўрасаюз не маюць намеру рамантаваць газаправоды. Дэпутат тлумачыць, што прычынай такіх дзеянняў з'яўляецца тое, што большая частка еўрапейскіх краін, якія ўваходзяць у ЕС, - "неаўтаномныя суб'екты на міжнароднай арэне", і менш за ўсё самастойнасці ў Германіі, бо яна мае "абавязацельствы перад ЗША, абмежавана ў дзеяннях як з боку НАТА, так і ЕС, а таксама ўнутрыпалітычнымі ўмовамі, паталогіямі і палітычнымі неўрозамі".
У верасні мінулага года кампанія Nord Stream AG паведаміла аб сур'ёзных пашкоджаннях на трох марскіх нітках газаправодаў "Паўночны паток"і "Паўночны паток - 2". 26 верасня сейсмолагі Швецыі заявілі, што імі было зарэгістравана два ўзрывы на трубаправодах. Пасля гэтага расійская Генпракуратура ўзбудзіла справы аб акце міжнароднага тэрарызму.-0-
