ДЗЯРЖОРГАНЫДЗЯРЖОРГАНЫ
Флаг Панядзелак, 26 верасня 2022
Мінск Малавоблачна +8°C
Усе навіны
Усе навіны
У свеце
11 жніўня 2022, 15:46

Эстонія забароніць уезд грамадзянам Расіі з шэнгенскімі візамі, выдадзенымі рэспублікай

Фота Unsplash
Фота Unsplash

11 жніўня, Мінск /Кар. БЕЛТА/. Эстонскія ўлады прынялі рашэнне закрыць уезд у краіну расіянам, якія маюць шэнгенскую візу, выдадзеную Эстоніяй. Аб гэтым заявіў кіраўнік МЗС рэспублікі Урмас Рэйнсалу, паведамляе эстонская тэлерадыёкампанія ERR.

"Праз тыдзень будзе прымяняцца санкцыя да шэнгенскіх віз, выдадзеных Эстоніяй. Санкцыя азначае, што візы застануцца дзеючымі. Аднак на ўладальнікаў віз будуць накладзены санкцыі пры ўездзе ў Эстонію, гэта значыць ім будзе забаронены ўезд у Эстонію", - заявіў Рэйнсалу.

Дыпламат таксама паведаміў, што гэтыя меры прадугледжваюць выключэнні. У прыватнасці, уезд у краіну будзе па-ранейшаму дазволены супрацоўнікам расійскіх дыппрадстаўніцтваў у Эстоніі і членам іх сем'яў. Таксама эстонскую граніцу змогуць перасекчы расіяне, якія займаюцца міжнароднымі пасажырскімі і грузавымі перавозкамі, і асобы, уезд якіх у Эстонію неабходны па гуманітарных меркаваннях. Акрамя таго, у рэспубліку змогуць уехаць блізкія сваякі грамадзян Эстоніі.

Рэйнсалу адзначыў, што абмежаванні спачатку закрануць тых расіян, якім шэнгенская віза была выдадзена Эстоніяй. Калі грамадзяне Расіі адкрывалі шэнген у дыппрадстаўніцтвах іншых краін, то ім уезд у Эстонію не будзе забаронены. Аднак урад мае намер дабівацца таго, каб грамадзяне РФ не маглі трапіць у Эстонію незалежна ад таго, якая краіна ім выдала візу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі