Сцяг Нядзеля, 14 красавіка 2024
Усе навіны
Усе навіны
Спорт
09 сакавіка 2023, 12:47

Зборная Беларусі па пляжным футболе абыграла іранцаў у трэцім гасцявым спарынгу

9 сакавіка, Мінск /Кар. БЕЛТА/. Зборная Беларусі па пляжным футболе перамогай завяршыла вучэбна-трэніровачны збор у Іране, паведамляе карэспандэнт БЕЛТА.

У заключным спарынгу з адной з мацнейшых азіяцкіх каманд - зборнай Ірана падапечныя іспанскага спецыяліста Нікаласа Альварада выйгралі з лікам 5:2. У складзе беларусаў галявы дубль аформіў Яўген Новікаў, па разе вароты гаспадароў паразілі Павел Стаскевіч, Антон Акуліч і Вадзім Бокач. Да гэтага беларускія футбалісты двойчы ўступілі іранцам - 0:5 і 3:7 (галы ў беларусаў: Павел Стаскевіч - 2, Арцемій Дрозд). Іран займае 12-е месца ў сусветным рэйтынгу пляжнага футбола, Беларусь знаходзіцца на 15-й пазіцыі.

Для зборнай Беларусі матчы з іранцамі сталі адным з этапаў падрыхтоўкі да адборачнага турніру чэмпіянату свету і ІІ Гульняў краін СНД, якія пройдуць у Мінску ў жніўні.-0-

Падпісвайцеся на нас у
Twitter
Топ-навіны
Свежыя навіны Беларусі