Сцяг Аўторак, 23 красавіка 2024
Усе навіны
Усе навіны
Спорт
09 лютага 2024, 10:27

Зборная Беларусі па міні-футболе другі раз сустрэнецца з камандай Узбекістана ў Ташкенце

Фота з архіва
Фота з архіва
9 лютага, Мінск /Кар. БЕЛТА/. Зборная Беларусі па міні-футболе правядзе другі таварыскі паядынак з камандай Узбекістана, паведамляе карэспандэнт БЕЛТА.

Пазаўчора ў першым спарынгу ва ўзбекскай сталіцы беларусы атрымалі цяжкую перамогу, абыграўшы гаспадароў з мінімальнай перавагай - 3:2. У складзе беларусаў вызначыліся Арцём Якубаў, Дзмітрый Шыманоўскі і галкіпер Аляксей Лукша, які далёкім ударам паразіў пустыя вароты сапернікаў. Для нацыянальнай зборнай Беларусі па міні-футболе гэта вікторыя стала 100-й у гісторыі. Сённяшняя сустрэча пачнецца ў 14.00 і будзе трансліравацца ў прамым эфіры тэлеканала "Беларусь 5".

Год таму гэтыя сапернікі правялі два кантрольныя матчы ў Беларусі, якія завяршыліся перамогамі гаспадароў – 3:1 у Магілёве і 7:4 у Мінску. З 14 верасня па 6 кастрычніка Узбекістан упершыню стане гаспадаром чэмпіянату свету па міні-футболе. Беларуская каманда не змагла прабіцца ў фінальную стадыю планетарнага форуму, выбыўшы пасля асноўнага этапу кваліфікацыі.-0-
Падпісвайцеся на нас у
Twitter
Топ-навіны
Свежыя навіны Беларусі