Сцяг Субота, 2 сакавіка 2024
Усе навіны
Усе навіны
Спорт
15 снежня 2022, 12:01

Зборная Беларусі па хакеі стартуе на Кубку Першага канала

15 снежня, Мінск /Кар. БЕЛТА/. У Маскве стартуе традыцыйны міжнародны турнір па хакеі "Кубак Першага канала", паведамляе карэспандэнт БЕЛТА.

Упершыню за 29 гадоў удзел у пераднавагоднім турніры ў Маскве прыме нацыянальная каманда Беларусі. Першым сапернікам падапечных Крэйга Вудкрафта стане зборная Казахстана, галоўным трэнерам якой з'яўляецца беларускі спецыяліст Андрэй Скабелка. Паядынак беларусаў і казахстанцаў пачнецца на "ЦСКА-Арэне" ў 19.30, прамую трансляцыю матчу прапануюць тэлеканал "Беларусь 5" і Youtube-канал "Хакей Беларусі".

16 снежня ў рамках Кубка Першага канала пройдзе міжнародны турнір па хакеі ў фармаце "3 на 3", удзел у якім прымуць зборныя Беларусі, Расіі, Казахстана і Кітая. У суботу асноўныя спаборніцтвы прадоўжацца сустрэчай каманд Расіі і Казахстана, завершыцца Кубак 18 снежня матчам беларусаў і расіян (пачатак - у 14.30).

Кубак Першага канала ў гэтым годзе з'яўляецца юбілейным і адзначае сваё 55-годдзе. За ўсю гісторыю спаборніцтваў зборная Беларусі гуляла на іх толькі аднойчы - у 1993 годзе. Тады наша каманда згуляла ўнічыю з Канадай (2:2) і прайграла зборным Францыі (3:4), Расіі-2 (0:4) і Швецыі (2:5).-0-

Падпісвайцеся на нас у
Twitter
Топ-навіны
Свежыя навіны Беларусі