ДЗЯРЖОРГАНЫДЗЯРЖОРГАНЫ
Пятніца, 3 красавіка 2020
Мінск Пераменная воблачнасць +4°C
Усе навіны
Усе навіны
Спорт
28 студзеня 2020, 16:11

Вязовіч: капотны МАЗ поўнасцю рэалізаваў свой патэнцыял на "Дакары-2020"

Сяргей Вязовіч
Сяргей Вязовіч

28 студзеня, Мінск /Кар. БЕЛТА/. Капотны МАЗ поўнасцю рэалізаваў свой патэнцыял на завершаным у Саудаўскай Аравіі ралі-рэйдзе "Дакар-2020". Такое меркаванне выказаў сёння кіраўнік беларускай каманды "МАЗ-СПОРТаўта" Сяргей Вязовіч у прэс-цэнтры БЕЛТА.

"Капотны МАЗ вельмі канкурэнтаздольны і камфортны. На ралі-рэйдзе грузавік поўнасцю рэалізаваў свой патэнцыял. Плануем у бліжэйшы час яшчэ адзін экіпаж перасадзіць на аўтамабіль капотнай канфігурацыі", - сказаў Сяргей Вязовіч.

Паводле слоў лідара "МАЗ-СПОРТаўта", самым напружаным момантам для беларусаў стаў 10-ы этап "Дакара" з-за боязі страціць месца на подыуме. "Тым не менш гонка прайшла гладка", - дадаў ён. Наступным стартам стане выступленне ў красавіку на ралі ў Марока.

Як паведамлялася, грузавік "МАЗ-СПОРТаўта" пад кіраўніцтвам Сяргея Вязовіча заняў трэцяе месца ў генеральнай класіфікацыі ралі "Дакар-2020", што завяршылася ў Саудаўскай Аравіі 17 студзеня. Яго таварышы па камандзе паказалі наступны рэзультат: Аляксей Вішнеўскі заняў восьмую пазіцыю, аўтамабіль Аляксандра Васілеўскага фінішаваў 12-м. Пераможцам стаў грузавік расійскага "КАМАЗ-майстра" пад кіраўніцтвам Андрэя Каргінава. Другое месца дасталася экіпажу яго таварыша па камандзе Антона Шыбалава.

"Дакар" упершыню прайшоў на Блізкім Усходзе, куды старты перабраліся пасля 11 гадоў у Паўднёвай Амерыцы. З 2020 года як мінімум пяць гадоў запар ралі-марафон будзе прымаць Саудаўская Аравія. На старт выйшаў 351 экіпаж (134 пазадарожнікі і UTV, 170 матацыклаў і квадрацыклаў, 47 грузавікоў). Агульная працягласць маршруту склала звыш 7,8 тыс. км, з якіх 5 тыс. км прыпадала на спецучасткі.

Раней экіпаж Сяргея Вязовіча ўжо станавіўся прызёрам "Дакара". У 2018 годзе беларусы прывезлі серабро прэстыжнага ралі-рэйду. У тым жа годзе МАЗ прыйшоў першым на Turkmen Desert Race, а ў 2019-м стаў чэмпіёнам Morocco Desert Challenge.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі