10 чэрвеня, Мінск /Кар. БЕЛТА/. Спартсмены гродзенскага "УУС-Дынама" выраўнавалі становішча ў серыі за бронзу 33-га чэмпіянату Беларусі па міні-футболе, паведамляе карэспандэнт БЕЛТА.
9 чэрвеня ў другім паядынку гродзенская каманда выйграла на сваёй пляцоўцы ў "Мінска" з лікам 4:2. У складзе пераможцаў хет-трык аформіў Давуд Штыбегаў. У першай гульні 5 чэрвеня мінчане перамаглі сапернікаў у сябе дома з рэзультатам 3:1. Вырашальны паядынак за бронзавыя медалі адбудзецца 14 чэрвеня ў Мінску.
Серыя за золата 33-га чэмпіянату Беларусі па міні-футболе паміж "Сталіцай" і гомельскім ВРЗ прадоўжыцца сёння ў мінскім спарткомплексе "Уручча". У першай сустрэчы саіскальнікаў залатых узнагарод 6 чэрвеня ў Гомелі "сталічнікі" вырвалі перамогу за 20 секунд да заканчэння гульні - 4:3.
Спіс лешых бамбардзіраў цяперашняга першынства ўзначальвае Уладзімір Жыгалка ("Сталіца"), які забіў 27 мячоў.
У фінальнай серыі мінулага сезона аршанскі "Вітэн" абыграў ВРЗ, а ў барацьбе за бронзу гомельскі БЧ быў мацнейшы за "Сталіцу". Самы тытулаваны клуб - мінскі "Дарожнік", які шэсць разоў станавіўся чэмпіёнам краіны. У "Лідсельмаша" і "Вітэна" па чатыры залатыя медалі, тры - у "Сталіцы".-0-
