ДЗЯРЖОРГАНЫДЗЯРЖОРГАНЫ
Флаг Субота, 2 ліпеня 2022
Мінск Малавоблачна +20°C
Усе навіны
Усе навіны
Спорт
29 красавіка 2022, 18:02

Стаў вядомы склад зборнай Беларусі па хакеі на таварыскія матчы з Расіяй

Ілья Усаў. Фота з архіва
Ілья Усаў. Фота з архіва

29 красавіка, Мінск /Кар. БЕЛТА/. Трэнерскі штаб зборнай Беларусі па хакеі вызначыўся са складам на таварыскія матчы з камандай Расіі, якія пройдуць у Туле 1 і 2 мая, паведамілі БЕЛТА ў прэс-службе ФХБ.

У склад увайшлі 28 хакеістаў: 3 галкіперы, 10 абаронцаў і 15 нападаючых.

Варатары: Аляксей Коласаў ("Дынама" Мінск, КХЛ), Канстанцін Шостак ("ЮП", чэмпіянат Фінляндыі), Іван Кульбакоў ("Дынама" Масква, КХЛ).

Абаронцы: Уладзіслаў Яроменка, Сяргей Сапега, Дзмітрый Дзярабін (усе - "Дынама" Мінск, КХЛ), Ілья Сушко ("Брэст"), Павел Воранаў ("Гомель"), Данііл Рогач ("Нёман"), Арцём Леўшуноў (Беларусь U18 ), Даніла Паліўка ("Адмірал", КХЛ), Арцём Валчанкоў ("Металург"), Максім Нікіцін ("Віцебск").

Нападаючыя: Уладзіслаў Кадола ("Поўначсталь", КХЛ), Уладзімір Алістраў, Ілья Усаў, Ігар Мартынаў (усе - "Дынама" Мінск, КХЛ), Аляксандр Скарэнаў ("СКА-Нява", ВХЛ), Ілья Літвінаў (АКМ, ВХЛ), Данііл Сацішвілі ("Хімік"), Васіль Філяеў ("Гарняк-УГМК", ВХЛ), Ягор Чазганаў ("Алмаз", МХЛ), Ягор Ігнаценка ("Дынама-Маладзечна"), Аляксандр Сувораў, Віталь Пінчук, Сяргей Кузняцоў (усе - "Металург"), Валянцін Дземчанка ("Юнацтва"), Сцяпан Звягін ("Мінскія зубры").

"Прынятыя рашэнні наконт складу былі даволі цяжкімі. Нам спатрэбіўся пэўны час на абмеркаванне таго, якім мы хочам бачыць фінальны ростар. У гэты склад мы дадалі шмат элементаў: габарыты, узрост, вопыт, хуткасць. Таксама нам былі неабходны снайперы і плэймэйкеры. Інакш кажучы, фарміруючы склад, мы арыентаваліся на ўсе ўчасткі пляцоўкі. Спадзяюся, нам удалося дасягнуць балансу, і мы зможам выдатна праявіць сябе ў бліжэйшых гульнях з камандай Расіі", - пракаменціраваў выбар ігракоў галоўны трэнер зборнай Беларусі Крэйг Вудкрафт.

У час матчаў супраць расіян капітанам беларускай каманды будзе Ілья Усаў, асістэнты - Уладзіслаў Кадола і Уладзіслаў Яроменка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі