Сцяг Нядзеля, 16 чэрвеня 2024
Усе навіны
Усе навіны
Спорт
16 лютага 2024, 12:21

Шкурдай і Куляшова выйшлі ў паўфіналы вячэрняй праграмы дня на ЧС па плаванні

Фота з архіва
Фота з архіва
16 лютага, Мінск /Кар. БЕЛТА/. У сталіцы Катара г.Доха прадаўжаецца чэмпіянат свету па водных відах спорту 2024 года, на якім у нейтральным статусе выступаюць беларускія спартсмены, паведамляе карэспандэнт БЕЛТА.

У ранішняй сесіі пятніцы адбыліся папярэднія заплывы на шасці дыстанцыях, беларускія спартсменкі былі прадстаўлены ў двух відах праграмы. На 50 м батэрфляем Настасся Куляшова прабілася ў топ-16, паказаўшы чатырнаццаты час сярод 58 удзельніц. Беларуска праплыла басейн за 26:32 сек. На дыстанцыі 200 м на спіне Настасся Шкурдай зарэкамендавала сябе ў якасці адной з прэтэндэнтак на прызы: брастаўчанка заняла ў агульным пратаколе пятае месца з вынікам 2:11,34 сек. У мінулым годзе Настасся выканала алімпійскі нарматыў на гэтай дыстанцыі.

Паўфіналы з беларускім удзелам адбудуцца ў вячэрняй праграме 16 лютага, таксама сёння на старт фіналу на двухсотметроўцы брасам выйдзе наша Аліна Змушко, якая напярэдадні ўстанавіла нацыянальны рэкорд. Да заканчэння чэмпіянату свету па плаванні ў Катары засталося тры дні, у актыве нашай дэлегацыі па-ранейшаму адзін бронзавы медаль планетарнага форуму, які заваявала сінхраністка Васіліна Хандошка.-0-
Падпісвайцеся на нас у
Twitter
Топ-навіны
Свежыя навіны Беларусі