7 чэрвеня, Мінск /Кар. БЕЛТА/. Паўабаронца "Нёмана" Павел Савіцкі прызнаны лепшым іграком 11-га тура футбольнага чэмпіянату Беларусі па версіі асацыяцыі "Беларуская федэрацыя футбола", паведамляе карэспандэнт БЕЛТА.
У гасцявым матчы з футбалістамі "Іслачы" 28-гадовы хаўбэк гродзенскага клуба быў сапраўдным лідарам сваёй каманды: ён сам забіў два першыя галы, а потым выдаў выдатны пас Ягору Зубовічу, які ўстанавіў канчатковы вынік - 3:0 на карысць "Нёмана". Пасля гэтай вікторыі падапечныя Ігара Кавалевіча набралі 23 ачкі і падняліся на другую пазіцыю ў турнірнай табліцы, уступаючы ўсяго два балы мінскаму "Дынама".
Аўтарам самага прыгожага гола мінулага тура стаў паўабаронца "Гомеля" Ілья Алексіевіч, які эфектным далёкім ударам паразіў вароты бабруйскай "Белшыны". Гамяльчане выйгралі з лікам 2:0, атрымаўшы другую перамогу запар. Вынікі астатніх сустрэч: "Слуцк" - БАТЭ (Барысаў) - 1:0, "Тарпеда-БелАЗ" (Жодзіна) - "Шахцёр" (Салігорск) - 1:1, "Смаргонь" - "Энергетык-БДУ" (Мінск) - 1:0, "Дынама" (Брэст) - "Мінск" - 1:0, "Славія" (Мазыр) - "Нафтан" (Наваполацк) - 1:0.
Становішча ў групе лідараў: "Дынама" (Мінск) - 25 ачкоў (10 матчаў), "Нёман" - 23 (10), "Тарпеда-БелАЗ" - 22 (10), "Славія" - 17 (10). Унізе турнірнай табліцы знаходзяцца "Шахцёр", "Энергетык-БДУ" і "Белшына". Спіс лепшых бамбардзіраў узначальвае форвард "Шахцёра" Ягор Карпіцкі, які забіў 10 мячоў. Матчы 12-га тура пройдуць 9-11 чэрвеня.-0-
