Сцяг Панядзелак, 15 красавіка 2024
Усе навіны
Усе навіны
Спорт
23 снежня 2022, 09:23

"Нёман" і "Гомель" атрымалі чарговыя перамогі ў матчах беларускай экстралігі

23 снежня, Мінск /Кар. БЕЛТА/. У чацвер, 22 снежня, трыма матчамі ў Гомелі, Магілёве і Лідзе прадоўжыўся рэгулярны чэмпіянат беларускай хакейнай экстралігі, паведамляе карэспандэнт БЕЛТА.

Хакеісты "Нёмана" адсвяткавалі шостую вікторыю запар: другі раз за тры дні ад гродзенцаў пацярпела "Ліда" - 3:0. За кошт удалай серыі "Нёман" прадаўжае праследваць лідзіруючы "Шахцёр", каманды з Салігорска і Гродна ў табліцы раздзяляе ўсяго два балы (54 супраць 52). У паралельнай сустрэчы "Гомель" атрымаў няпростую перамогу над "Брэстам" - 3:2, вырашальную шайбу за "рысей" правёў Міхаіл Кавалёў. Такім чынам, гамяльчане вярнуліся на 3-е месца экстралігі, праўда, гэту пазіцыю жыхары поўдня дзеляць з мінскім "Юнацтвам": у абодвух клубаў па 47 ачкоў. Таксама ў чацвер "Дынама-Маладзечна" дзякуючы хет-трыку Эдуарда Грыня ўпэўнена разабралася з "Магілёвам" - 5:2.

Наступныя матчы ў чэмпіянаце краіны па хакеі пройдуць у аўторак, 27 снежня. У паўзе паміж турамі будзе праведзены міжнародны турнір "PARI Кубак Саюза", удзел у якім прымуць жлобінскі "Металург", "Юнацтва", а таксама расійскія каманды "Рубін" (Цюмень) і "Дынама" (Санкт-Пецярбург), якія прадстаўляюць вышэйшую хакейную лігу. Паўфіналы турніру будуць згуляны ў Жлобіне ў суботу, матч за трэцяе месца і фінал адбудуцца ў нядзелю.-0-

Падпісвайцеся на нас у
Twitter
Топ-навіны
Свежыя навіны Беларусі