ДЗЯРЖОРГАНЫДЗЯРЖОРГАНЫ
Флаг Пятніца, 2 чэрвеня 2023
Мінск Суцэльная воблачнасць +11°C
Усе навіны
Усе навіны
Спорт
24 сакавіка 2023, 17:48

Маладзёжная зборная Беларусі па футболе згуляла ўнічыю з Андорай на старце адбору на ЧЕ

Фота з архіва
Фота з архіва

24 сакавіка, Мінск /Кар. БЕЛТА/. Футбалісты маладзёжнай зборнай Беларусі (U-21) пачалі выступленне ў адборачным турніры чэмпіянату Еўропы 2025 года, паведамляе карэспандэнт БЕЛТА.

Першымі сапернікамі беларускай маладзёжкі ў кваліфікацыі сталі равеснікі з Андоры, сустрэча каманд адбылася ў армянскім Армавіры. Большую частку гульні нашы футбалісты валодалі ініцыятывай, але ператварыць перавагу ў забітыя мячы так і не змаглі. У выніку безгалявая нічыя 0:0, беларусы атрымліваюць першае ачко ў адборы. Наступны матч падапечныя Сяргея Ясінскага правядуць 28 сакавіка: наша каманда ў Афінах згуляе супраць зборнай Грэцыі. Таксама ў нашай квалфікацыйнай групе G выступяць футбалісты Партугаліі, Харватыі і Фарэрскіх астравоў.

Адборачныя матчы маладзёжнага Еўра-2025 завершацца ў кастрычніку наступнага года. У фінальную стадыю чэмпіянату Еўропы для футбалістаў не старэйшых за 21 год непасрэдна трапяць пераможцы дзевяці груп і тры лепшыя каманды, якія фінішуюць другімі. Тры апошнія пуцёўкі на кантынентальны форум у Славакію разыграюць астатнія 6 уладальнікаў другіх месцаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі