9 чэрвеня, Мінск /Кар. БЕЛТА/. На футбольным чэмпіянаце Беларусі сярод каманд вышэйшай лігі пройдуць стартавыя паядынкі 12-га тура, паведамляе карэспандэнт БЕЛТА.
Лідары першынства футбалісты мінскага "Дынама", якія прапускалі мінулы тур, прымуць на сваёй арэне брэсцкіх дынамаўцаў. Брастаўчане мінулы ўік-энд здабылі сваю другую вікторыю, перамогшы дома ФК "Мінск" з лікам 1:0. Таксама сёння "Шахцёр" сустрэнецца ў Салігорску з "Іслаччу" з Мінскага раёна. На мінулым тыдні салігорскія футбалісты ў Жодзіне згулялі ўнічыю з "Тарпеда-БелАЗам" (1:1), а іх сённяшнія сапернікі пацярпелі значнае паражэнне ў Маладзечне ад гродзенскага "Нёмана" (0:3).
Заўтра "Нёман" прыме ў Гродне мазырскую "Славію", футбалісты "Слуцка" ў сябе дома згуляюць з наваполацкім "Нафтанам", а ў Гарадзеі сустрэнуцца футбалісты "Мінска" і "Смаргоні". Заключныя матчы пройдуць у нядзелю, 11 чэрвеня: "Энергетык-БДУ" (Мінск) - "Белшына" (Бабруйск), "Гомель" - "Тарпеда-БелАЗ". Футбалісты БАТЭ прапускаюць 12 тур.
Становішча ў лідзіруючай групе цяпер такое: "Дынама" (Мінск) - 25 ачкоў (10 матчаў), "Нёман" - 23 (10), "Тарпеда-БелАЗ" - 22 (10), "Славія" - 17 (10). Унізе турнірнай табліцы знаходзяцца "Шахцёр", "Энергетык-БДУ" і "Белшына". Бамбардзірскую гонку ўзначальвае нападаючы "Шахцёра" Ягор Карпіцкі, які забіў 10 мячоў.-0-
