Сцяг Нядзеля, 14 красавіка 2024
Усе навіны
Усе навіны
Спорт
31 студзеня 2023, 12:13

Юныя футбалісты з шасці краін паспрачаюцца за Кубак развіцця ў Мінску

31 студзеня, Мінск /Кар. БЕЛТА/. У чарговым міжнародным турніры юнацкіх зборных "Кубак развіцця - 2023" у Мінску на прызы АБФФ і Мінгарвыканкама прымуць удзел 8 каманд з шасці краін, паведамляе карэспандэнт БЕЛТА.

На першым этапе спаборніцтваў каманды падзелены на дзве групы: А - Беларусь (U-17), Расія (U-16), Казахстан (U-17), Узбекістан (U-16); В - Беларусь (U-16), Іран (U-17), Таджыкістан (U-17), Расія (U-17). Пасля фінішу групавой стадыі адбудуцца паядынкі за падагульняючыя месцы. Матчы пройдуць у сталічным Футбольным манежы з 5 па 11 лютага.

У папярэднім турніры перамаглі футбалісты Ізраіля. Больш за ўсё перамог на рахунку зборнай Расіі, якая пяць разоў заваявала трафей (2008, 2010, 2014, 2015, 2017), па чатыры разы поспех святкавалі футбалісты Беларусі (2006, 2007, 2019, 2020) і Украіны (2009, 2012, 2016 і 2018), двойчы лепшай станавілася каманда Бельгіі (2011, 2013), у 2005 годзе не было роўных зборнай Сербіі і Чарнагорыі, у 2021-м перамагалі таджыкі.-0-

Падпісвайцеся на нас у
Twitter
Топ-навіны
Свежыя навіны Беларусі