Сцяг Пятніца, 12 красавіка 2024
Усе навіны
Усе навіны
Спорт
22 лютага 2023, 09:34

Хакеісты мінскага "Дынама" на сваім лёдзе прайгралі "Трактару" ў КХЛ

22 лютага, Мінск /Кар. БЕЛТА/. Хакейнае мінскае "Дынама" пацярпела паражэнне ў перадапошнім матчы рэгулярнага чэмпіянату Кантынентальнай хакейнай лігі, паведамляе карэспандэнт БЕЛТА.

У заключнай дамашняй гульні "рэгуляркі" сезона 2022/2023 "зубры" прымалі чэлябінскі "Трактар". Два тыдні таму каманды ўжо сустракаліся ў Чэлябінску, тады мацнейшымі былі "мядзведзі" - 4:3. Паядынак у адказ на "Мінск-Арэне" выдаўся не менш напружаным. Праблемы ў "Дынама" пачаліся на самым старце матчу: госці выйшлі наперад ужо на шостай мінуце гульні, а незадоўга да перапынку падвоілі перавагу. Адказаць мінчане змаглі толькі незадоўга да канца другой трэці, калі адставанне гаспадароў у ліку скараціў Мікіта Зоркін. У трэцім перыядзе чэлябінцы доўгі час утрымлівалі перавагу адну шайбу, але за дзве з палавінай мінуты да сірэны форвард "зуброў" Раман Гарбуноў усё ж такі аднавіў парытэт - 2:2. Сустрэча перацякла ў авертайм, а потым і ў серыю пасляматчавых кідкоў, больш дакладнымі ў якой аказаліся ігракі "Трактара".

Гэта паражэнне стала для падапечных Крэйга Вудкрафта пятым у шасці апошніх матчах. Тым не менш "Дынама" ўсё яшчэ захоўвае шанцы на выхад у плэй-оф: наша каманда з 66 ачкамі займае 8-е месца ў Заходняй канферэнцыі КХЛ, "Спартак", які ідзе 9-м, адстае на два балы пры гульні ў запасе. Заключны матч у рэгулярным чэмпіянаце мінчане правядуць у суботу, 25 лютага, у гасцях у падмаскоўнага "Віцязя".-0-

Падпісвайцеся на нас у
Twitter
Топ-навіны
Свежыя навіны Беларусі