ДЗЯРЖОРГАНЫДЗЯРЖОРГАНЫ
Флаг Пятніца, 27 студзеня 2023
Мінск -2°C
Усе навіны
Усе навіны
Спорт
21 лістапада 2022, 11:34

Гродзенскі "Рытм" і мужчынская зборная Расіі выйгралі турнір па індорхакеі ў Мінску

Фота з архіва
Фота з архіва

21 лістапада, Мінск /Кар. БЕЛТА/. У будынку веладрома "Мінск-Арэны" завяршыўся міжнародны турнір па індорхакеі на прызы газеты "Вечерний Минск", паведамляе карэспандэнт БЕЛТА.

У спаборніцтвах, якія праводзіліся 6-ы раз, прынялі ўдзел па шэсць жаночых і мужчынскіх каманд. У кожным з турніраў выступілі па чатыры беларускія калектывы і дзве зборныя Расіі. Пераможцамі спаборніцтваў у жанчын сталі хакеісткі з гродзенскага "Рытма", якія не пацярпелі ніводнага паражэння. Спартсменкі паслядоўна абыгралі каманду Расія-1 (6:5), ХК "Мінск" (5:2), зборную Расіі-2 (9:0), смалявіцкую "Вікторыю" (5:2) і "Тэкстыльшчык" з Баранавіч (3:2). Другое месца заняла 1-я каманда Расіі, бронза - у "Вікторыі". Лепшым іграком жаночага турніру была прызнана Дзіяна Бацюкова з "Рытма".

Сярод мужчын перамогу атрымала зборная Расіі, на рахунку якой чатыры перамогі і адна нічыя (13 ачкоў). На два балы ад чэмпіёнаў адстаў ХК "Мінск", трэцяе месца заняла каманда Расіі-1 (10 ачкоў). Акрамя таго, удзел у турніры прынялі брэсцкі "Будаўнік" і ХК "Мінск-2" (па 4 балы), а таксама ХК "Гомель" (0). Самым каштоўным іграком спаборніцтваў быў названы расіянін Мікіта Дварэцкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі