17 красавіка, Мінск /Кар. БЕЛТА/. Новы галоўны трэнер зборнай Беларусі па хакеі ў матчах майскага турнэ Дзмітрый Квартальнаў у эфіры тэлеканала "Беларусь 1" адзначыў, што для яго гэта сур'ёзны выклік, паведамляе БЕЛТА.
На пасяджэнні Выканаўчага камітэта Федэрацыі хакея Беларусі зацверджаны склад трэнерскага штаба нацыянальнай каманды для ўдзелу ў матчах маючага адбыцца турніру "Liga Stavok. Вялікі тур зборнай", які пройдзе з 2 па 16 мая. На пасаду галоўнага трэнера зборнай Беларусі зацверджаны Дзмітрый Квартальнаў, які раней дасягнуў дамоўленасці аб супрацоўніцтве з мінскім "Дынама". "Я горды і шчаслівы, што цяпер атрымалася ўзначаліць зборную Беларусі. Для мяне гэта сур'ёзны выклік, і хочацца зрабіць шмат усяго. Я разумею ўсю адказнасць і тыя важныя задачы, якія цяпер стаяць перад намі. Тут трэба будзе працаваць, працаваць і яшчэ раз працаваць", - сказаў ён.
Дзмітрый Квартальнаў упэўнены, што ўсе цяжкасці, якія стаяць цяпер перад беларускім спортам, рана ці позна пройдуць. "У нас ёсць час падрыхтаваць добрую моладзь, улічваючы, што цяпер і так ёсць добрая каманда, - адзначыў трэнер. - Што датычыцца вынікаў, то ўсё будзе залежаць ад таго, як мы спрацуемся, як пачнём сезон і як яго правядзём. Час пакажа. Трэнерская работа няпростая, і я шчаслівы, што прапрацаваў 14 гадоў і ўзяў год паўзы. Не скрываю, што сумаваў".-0-
