12 мая, Мінск /Кар. БЕЛТА/. На футбольным чэмпіянаце Беларусі сярод каманд вышэйшай лігі сёння адкрыецца праграма восьмага тура, паведамляе карэспандэнт БЕЛТА.
У стартавым паядынку футбалісты "Слуцка" прымуць на сваім полі "Іслач" з Мінскага раёна. У мінулым туры слуцкая каманда ў гасцях згуляла ўнічыю з жодзінскім "Тарпеда-БелАЗам" (1:1), а яе сённяшні апанент уступіў у сябе дома мазырскай "Славіі" (0:1).
Заўтра лідар турніру мінскае "Дынама" згуляе на выездзе з футбалістамі "Гомеля". Сталічны "Энергетык-БДУ" прыме "Мінск", а салігорскі "Шахцёр" на сваёй арэне сустрэнецца з брэсцкім "Дынама". Заключныя матчы пройдуць у нядзелю, 14 мая: "Нафтан" (Наваполацк) - "Белшына" (Бабруйск), "Нёман" (Гродна) - "Смаргонь", БАТЭ (Барысаў) - "Тарпеда-БелАЗ". Футбалісты "Славіі" прапускаюць гэты тур.
Перад гульнямі 8-га тура становішча каманд такое: "Дынама" (Мінск) - 18 ачкоў (7 матчаў), БАТЭ (Барысаў) - 14 (7), "Тарпеда-БелАЗ" (Жодзіна) - 14 (6), "Нёман" (Гродна) - 13 (6), "Славія" (Мазыр) - 10 (7), "Іслач" (Мінскі раён) - 9 (6), "Смаргонь" - 9 (7), "Слуцк" - 8 (7), "Мінск" - 7 (7), "Гомель" - 7 (6), "Нафтан" (Наваполацк) - 5 (7), "Дынама" (Брэст) - 3 (7), "Белшына" - -8 (6), "Энергетык-БДУ" - -16 (6), "Шахцёр" - -17 (6). Як паведамлялася, за ўдзел у дагаворных гульнях у мінулым сезоне з "Шахцёра", "Энергетыка-БДУ" і "Белшыны" былі зняты турнірныя ачкі.-0-
