ДЗЯРЖОРГАНЫДЗЯРЖОРГАНЫ
Пятніца, 3 красавіка 2020
Мінск Пераменная воблачнасць +4°C
Усе навіны
Усе навіны
Спорт
28 студзеня 2020, 13:36

Дзякуючы "Дакару" папулярнасць грузавікоў МАЗ расце ва ўсім свеце - Вязовіч

Сяргей Вязовіч
Сяргей Вязовіч

28 студзеня, Мінск /Кар. БЕЛТА/. Паспяховае выступленне беларускіх грузавікоў на завершаным у Саудаўскай Аравіі ралі-рэйдзе "Дакар-2020" станоўча ўплывае на папулярнасць беларускай тэхнікі ва ўсім свеце. Такое меркаванне выказаў сёння кіраўнік каманды "МАЗ-СПОРТаўта" Сяргей Вязовіч у прэс-цэнтры БЕЛТА.

"Выступленне МАЗаў на "Дакары" - перш за ўсё рэкламны праект Мінскага аўтазавода. Лепшай прапаганды магчымасцей грузавікоў, чым паспяховае выступленне на самых суровых у свеце аўтаспорту спаборніцтвах проста не знайсці. Безумоўна, гэта дапамагае папулярызацыі нашай маркі ва ўсім свеце, прычым не толькі сярод аматараў аўтаспорту", - адзначыў кіраўнік беларускай каманды.

Грузавік "МАЗ-СПОРТаўта" пад кіраўніцтвам Сяргея Вязовіча заняў трэцяе месца ў генеральнай класіфікацыі ралі "Дакар-2020", які завяршыўся ў Саудаўскай Аравіі 17 студзеня. Яго таварышы па камандзе паказалі наступныя рэзультаты: Аляксей Вішнеўскі заняў восьмую пазіцыю, аўтамабіль Аляксандра Васілеўскага фінішаваў 12-м. Пераможцам стаў грузавік расійскага "КАМАЗ-майстра" пад кіраўніцтвам Андрэя Каргінава. Другое месца дасталася экіпажу яго таварыша па камандзе Антона Шыбалава.

"Дакар" упершыню прайшоў на Блізкім Усходзе, куды старты перайшлі пасля 11 гадоў у Паўднёвай Амерыцы. З гэтага года як мінімум пяць гадоў запар ралі-марафон будзе прымаць Саудаўская Аравія. На старт выйшаў 351 экіпаж (134 пазадарожнікі і UTV, 170 матацыклаў і квадрацыклаў, 47 грузавікоў). Агульная працягласць маршруту склала звыш 7,8 тыс. км, з якіх 5 тыс. км прыпалі на спецучасткі.

Раней экіпаж Сяргея Вязовіча ўжо станавіўся прызёрам "Дакара". У 2018 годзе беларусы прывезлі серабро прэстыжнага ралі-рэйду. У тым жа годзе МАЗ прыйшоў першым на Turkmen Desert Race, а ў 2019-м стаў чэмпіёнам Morocco Desert Challenge.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі