ДЗЯРЖОРГАНЫДЗЯРЖОРГАНЫ
Нядзеля, 5 красавіка 2020
Мінск Суцэльная воблачнасць +5°C
Усе навіны
Усе навіны
Спорт
12 лютага 2020, 11:57

Да Алімпіяды ў Токіа рыхтуюцца 263 беларускія спартсмены - Мінспорту

Фота з архіва
Фота з архіва

12 лютага, Мінск /Кар. БЕЛТА/. Да галоўных стартаў чатырохгоддзя рыхтуюцца 263 беларускія спартсмены ў 27 відах спорту. Такія лічбы былі агучаны сёння на падагульняючай калегіі Міністэрства спорту і турызму, паведамляе карэспандэнт БЕЛТА.

На гэты момант алімпійскія кваліфікацыйныя патрабаванні і нарматывы выканалі 69 беларускіх спартсменаў у 15 відах спорту. Адборачныя турніры прадоўжацца да канца чэрвеня. Такім чынам, беларускія спартсмены могуць разлічваць на заваяванне каля 100 алімпійскіх ліцэнзій.

"Патрабаванні да адбору на Гульні сталі больш строгімі. Нягледзячы на гэта, мы ідзём па графіку мінулага алімпійскага чатырохгоддзя. Мы бачым, што на старты ў Токіа акрамя 69 спартсменаў, якія ўжо выканалі нарматывы, могуць адабрацца яшчэ каля 30 чалавек. Нехта зробіць гэта па рэйтынгу, нехта зможа выйграць ліцэнзію на адборачных турнірах. Адпаведная работа вядзецца. Калі такіх спартсменаў будзе больш, значыць, для нас жа будзе лепей", - адзначыў міністр спорту і турызму Сяргей Кавальчук.

XXXII летнія Алімпійскія гульні пройдуць у Токіа з 24 ліпеня па 9 жніўня 2020 года. На галоўных стартах чатырохгоддзя будзе разыграна 339 камплектаў медалёў у 33 відах спорту. Папоўнілі алімпійскую праграму Токіа-2020 бейсбол/софтбол, каратэ, сёрфінг, скалалажанне і скейтбордынг. За медалі Гульняў у сталіцы Японіі будуць змагацца 11090 спартсменаў з 206 краін. З іх 49 працэнтаў - жанчыны. Такім чынам, Гульні-2020 стануць найбольш збалансаванымі па гендарнай прыкмеце.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі