Сцяг Нядзеля, 14 красавіка 2024
Усе навіны
Усе навіны
Спорт
28 снежня 2022, 12:23

Больш за 70 міжнародных спартыўных мерапрыемстваў пройдзе ў Беларусі ў 2023 годзе

28 снежня, Мінск /Кар. БЕЛТА/. Больш за 70 міжнародных спартыўных мерапрыемстваў пройдзе ў Беларусі ў 2023 годзе. Гэта прадугледжана пастановай Савета Міністраў ад 27 снежня 2022 года нумар 921, паведамляе БЕЛТА са спасылкай на Нацыянальны прававы інтэрнэт-партал.

У пералік мерапрыемстваў наступнага года ўключаны міжнародныя спаборніцтвы па баскетболе 3 х 3 "Palova Snowball 3 x 3", 52-і міжнародны турнір па вольнай барацьбе на прызы трохразовага алімпійскага чэмпіёна, сяміразовага чэмпіёна свету па вольнай барацьбе Аляксандра Васільевіча Мядзведзя (мужчыны, жанчыны), міжнародныя спаборніцтвы па веласіпедным спорце на трэку "Гран-пры Мінска" і Мінскі міжнародны паўмарафон.

Таксама ў спіс увайшлі міжнародны турнір па таэквандо ITF "Адкрыты Кубак Садружнасці Незалежных Дзяржаў - Кубак свету", міжнародны турнір па хакеі з шайбай сярод юнакоў 2008-2012 гадоў нараджэння "2023 World Selects Invitational AAA Boys" (2023 World Hockey Group AAA Boys) і міжнародны шахматны турнір "Мінск-2023".

Пастанова ўступае ў сілу з 1 студзеня 2023 года.-0-

Падпісвайцеся на нас у
Twitter
Топ-навіны
Свежыя навіны Беларусі