Фота з архіва
20 чэрвеня, Мінск /Кар. БЕЛТА/. Беларускія стралкі з лука сталі ўладальнікамі чатырох узнагарод на міжнародным турніры Grand prix Nur-Sultan, паведамляе карэспандэнт БЕЛТА.
У скарбонцы беларусаў тры медалі вышэйшай пробы: у асабістых спаборніцтвах жанчын золата выйграла Ганна Марусава, у мужчын лепшым аказаўся Антон Куроўкін, а Карына Дзёмінская і Раман Нікіцёнак перамаглі ў спаборніцтвах змешаных пар.
Акрамя таго, уладальнікам бронзы ў юніёрскіх спаборніцтвах у сталіцы Казахстана стаў беларускі спартсмен Фёдар Курэль.-0-
