ДЗЯРЖОРГАНЫДЗЯРЖОРГАНЫ
Флаг Нядзеля, 29 студзеня 2023
Мінск Суцэльная воблачнасць -2°C
Усе навіны
Усе навіны
Спорт
10 кастрычніка 2022, 12:14

Беларускія паралімпійцы заваявалі 25 залатых медалёў на гульнях "Мы разам. Спорт"

Ігар Бокій. Фота з архіва
Ігар Бокій. Фота з архіва

10 кастрычніка, Мінск /Кар. БЕЛТА/. У Сочы завяршыліся міжнародныя летнія гульні паралімпійцаў "Мы разам. Спорт" з удзелам беларускіх атлетаў, паведамляе карэспандэнт БЕЛТА.

Па выніках сямі дзён спаборніцтваў прадстаўнікі нашай каманды заваявалі 64 узнагароды, сярод якіх 25 залатых. Больш за ўсё медалёў вышэйшай пробы (18) прынеслі плыўцы. Шасціразовым чэмпіёнам гульняў "Мы разам. Спорт" стаў Ігар Бокій, чатыры разы на вышэйшую прыступку п'едэстала паднімаўся Рыгор Зудзілаў, тройчы - Дзмітрый Салей. Дзве залатыя ўзнагароды на рахунку Аляксандры Казловай, па адной у Ягора Шчалканава, Аляксея Талая і Настассі Зудзілавай. Двухразовым чэмпіёнам турніру стаў лёгкаатлет Дзмітрый Барташэвіч, па разе перамогі на гульнях атрымалі фехтавальшчыкі Андрэй Праневіч, Хрысціна Фяклістава і Настасся Касцючкова, а таксама Лізавета Пятрэнка і Вераніка Грасюк (абедзве - лёгкая атлетыка). Таксама ў актыве беларускай зборнай 19 сярэбраных і 20 бронзавых медалёў.

Усяго на гульнях "Мы разам. Спорт" выступілі амаль 1200 атлетаў у 9 летніх відах спорту: лёгкай атлетыцы, плаванні, настольным тэнісе, стральбе з лука, паратхэквандо, фехтаванні на калясках, футболе, шашках і шахматах. Удзел у спаборніцтвах прынялі каманды Беларусі, Расіі, Арменіі, Германіі, Грузіі, Казахстана, Малі, Сербіі, Таджыкістана, Узбекістана і Эрытрэі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі