ДЗЯРЖОРГАНЫДЗЯРЖОРГАНЫ
Флаг Серада, 27 верасня 2023
Мінск Ясна +21°C
Усе навіны
Усе навіны
Спорт
21 лютага 2023, 16:12

Беларускія юніёры заваявалі чатыры медалі на першынстве Расіі па біятлоне

Фота з архіва
Фота з архіва

21 лютага, Мінск /Кар. БЕЛТА/. Ва Уваце (Цюменская вобласць) завяршылася першынство Расіі па біятлоне, удзел у якім прымалі юніёрскія каманды Беларусі, паведамілі БЕЛТА ў прэс-службе Мінспорту.

На спаборніцтвах былі разыграны шэсць камплектаў узнагарод, беларускія біятланісты паднімаліся на подыум па выніках чатырох стартаў. У актыве нашай каманды тры залатыя і адзін бронзавы медалі. Пераможцай спрынту ў дзяўчат стала Лідзія Надольская, у адзіночнай змешанай эстафеце поспех адсвяткавалі Андрэй Гаўрош і Карына Ануфрыенка. Акрамя таго, беларуская юніёрская зборная ў складзе Андрэя Гаўроша, Аляксея Логвінава, Аляксандра Галяка, Канстанціна Бабурава і Дзяніса Яромава заняла першае месца ў дысцыпліне "гонка патрулёў". Раней Логвінаў і Галяк разам з Алінай Зайцавай і Лідзіяй Надольскай сталі бронзавымі прызёрамі ў змешанай эстафеце.

З 23 па 26 лютага нацыянальная каманда Беларусі па біятлоне прыме ўдзел у чэмпіянаце Расіі ў Іжэўску. У чацвер мужчыны і жанчыны вызначаць мацнейшых у індывідуальных гонках, 25 лютага пройдуць два суперпраследаванні, завершыцца праграма турніру ў нядзелю вялікімі мас-стартамі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі