Сцяг Пятніца, 14 чэрвеня 2024
Усе навіны
Усе навіны
Спорт
07 лютага 2024, 13:13

Беларускія баскетбалісткі ў мацнейшым складзе рыхтуюцца да сустрэч з расіянкамі

Фота з архіва
Фота з архіва
7 лютага, Мінск /Кар. БЕЛТА/. Баскетбалісткі нацыянальнай зборнай Беларусі пачалі падрыхтоўку да двух дамашніх таварыскіх матчаў з камандай Расіі, паведамляе карэспандэнт БЕЛТА.

Пад кіраўніцтвам галоўнага трэнера Наталлі Трафімавай да гульняў з расіянкамі рыхтуюцца практычна ўсе мацнейшыя беларускія баскетбалісткі, у тым ліку тыя, хто выступаюць у расійскіх клубах: Марыя Папова, Александрыя Бентлі (абедзве - УГМК, Екацярынбург), Юлія Васілевіч, Дар’я Магаляс (абедзве - "Дынама", Масква), Арына Масько ("Дынама", Новасібірск), Наталля Гарбачова ("НІКА-Лузалес", Сыктыўкар), Яніна Інкіна ("Руна", Масква), Мар’я Байко (МБА-2, Масква), Паліна Дамянюк ("Дынама-Фарм", Курск). Разам з імі рыхтуюцца прадстаўніцы беларускіх клубаў: Яна Яхнавец, Вікторыя Гаспер, Алёна Карасевіч, Настасся Верамеенка, Паліна Катлінская (усе - "Гарызонт", Мінская вобласць), Дарына Бачкарова, Кацярына Карпук, Яна Макуца (усе - "МІНСК"), Яўгенія Бярнацкая, Марыя Ляскоўская (абедзве - "Алімпія", Гродна).

Наталля Трафімава адзначыла, што ў трэнерскага штаба ёсць цудоўная магчымасць на свае вочы ўбачыць, у якой форме цяпер знаходзяцца дзяўчаты, якія выступаюць за межамі Беларусі. Усе яны, таксама, як і іх калегі з беларускіх каманд, поўнасцю выкладваюцца на трэніроўках, падтрымліваюць адна адну. На гэтым зборы баскетбалісткі ўспамінаюць старыя і адпрацоўваюць новыя гульнявыя звязкі, каб у поўным узбраенні падысці да сустрэч з расійскай камандай і парадаваць беларускіх аматараў баскетбола прыгожай гульнёй.

Сустрэчы нацыянальных зборных Беларусі і Расіі пройдуць 10 і 11 лютага ў Мінску на паркеце Рэспубліканскага дзяржаўнага вучылішча алімпійскага рэзерву. Уваход на гульні свабодны. Год таму беларускія і расійскія баскетбалісткі таксама двойчы сустракаліся ў Мінску, абмяняўшыся перамогамі: спачатку выйгралі гаспадыні - 63:45, а потым госці ўзялі рэванш - 71:61.-0-
Падпісвайцеся на нас у
Twitter
Топ-навіны
Свежыя навіны Беларусі