ДЗЯРЖОРГАНЫДЗЯРЖОРГАНЫ
Субота, 4 красавіка 2020
Мінск Малавоблачна +1°C
Усе навіны
Усе навіны
Спорт
20 студзеня 2020, 14:12

Беларускія барцы занялі другое месца ў камандным заліку на Гран-пры Францыі - 2020

Дзяніс Храмянкоў. Фота з архіва
Дзяніс Храмянкоў. Фота з архіва

20 студзеня, Мінск /Кар. БЕЛТА/. Беларускія барцы занялі другое месца ў камандным заліку Гран-пры Францыі - 2020 па вольнай і грэка-рымскай барацьбе, прысвечаным памяці алімпійскага чэмпіёна Анры Дэглана, паведамляе карэспандэнт БЕЛТА.

На рахунку беларускіх атлетаў чатыры залатыя, тры сярэбраныя і чатыры бронзавыя ўзнагароды і 296 ачкоў. Апярэдзіць іх змаглі толькі спартсмены з Грузіі, якія выйгралі 11 узнагарод рознай вартасці (2-4-5) і набралі 380 пунктаў.

Узнагароды вышэйшай пробы ў стартах "вольнікаў" заваявалі Георгій Каліеў (65 кг), Віктар Серада (70 кг) і Дзяніс Храмянкоў (125 кг). У "класікаў" золата на рахунку Кірыла Маскевіча (87 кг).

Серабром вызначыліся майстры вольнага стылю Уладзіслаў Андрэеў (61 кг), Ібрагім Саідаў (125 кг) і прадстаўнік грэка-рымскай барацьбы Мікалай Стадуб (87 кг).

Бронзавымі медалямі скарбонку беларускай дружыны папоўнілі "вольнік" Дзімчык Рынчынаў (57 кг), у грэка-рымскай - Віктар Сасуноўскі (77 кг) і Аляксандр Грабавік (97 кг).

У 2019 годзе на турніры серыі Гран-пры ў Ніцы беларускія барцы заваявалі шэсць медалёў (чатыры сярэбраныя і два бронзавыя).

Турнір прысвечаны памяці алімпійскага чэмпіёна па грэка-рымскай барацьбе ў вагавой катэгорыі 82 кг француза Жана Анры Дэглана, які з'яўляўся пераможцам гульняў 1924 года ў Парыжы. У Ніцы ён узначальваў знакаміты клуб Lutte Club Nice. У горад на паўднёвым усходзе Францыі аддаць даніну павагі знакамітаму атлету і паспрачацца за ўзнагароды спаборніцтваў у алімпійскім сезоне прыехалі больш як 200 спартсменаў з 22 краін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі