Фота з архіва
25 мая, Мінск /Кар. БЕЛТА/. Беларус Ілья Івашка завяршыў выступленне на турніры катэгорыі АТР-250 у швейцарскай Жэневе з прызавым фондам 562 тыс. еўра, паведамляе карэспандэнт БЕЛТА.
У сённяшнім чвэрцьфінальным паядынку беларускі тэнісіст, які займае 86-е месца ў сусветным рэйтынгу, прайграў дзявятай ракетцы планеты амерыканцу Тэйлару Фрыцу, - 1:6, 2:6. У 1/16 фіналу Ілья Івашка абыграў аргенцінца Гвіда Пелья (421) - 6:4, 7:5, а потым перамог прадстаўніка Францыі Адрыяна Манарына (47) - 6:4, 4:6, 6:3.
Турнір у Жэневе завершыцца 27 мая.-0-
