ДЗЯРЖОРГАНЫДЗЯРЖОРГАНЫ
Флаг Субота, 26 лістапада 2022
Мінск -4°C
Усе навіны
Усе навіны
Спорт
06 верасня 2022, 09:03

Беларуская тэнісістка Арына Сабаленка прабілася ў чвэрцьфінал US Open

Арына Сабаленка. Фота з архіва
Арына Сабаленка. Фота з архіва

6 верасня, Мінск /Кар. БЕЛТА/. Беларуская тэнісістка Арына Сабаленка прабілася ў чвэрцьфінал апошняга ў сезоне турніру серыі "Вялікага шлема" - адкрытага чэмпіянату ЗША, паведамляе карэспандэнт БЕЛТА.

У 1/8 фіналу шостая ракетка планеты перайграла ў трохсэтавым паядынку амерыканку Даніэль Колінз (19-ы нумар сусветнага рэйтынгу) - 3:6, 6:3, 6:2. Сустрэча прадаўжалася 2 гадзіны 25 мінут. Наступнай саперніцай Арыны Сабаленка будзе чэшская тэнісістка Караліна Плішкава (22), якая ў чацвёртым раўндзе за тры гадзіны перамагла беларуску Вікторыю Азаранка (26) - 7:5, 6:7 (5:7), 6:2.

Беларускі тэнісіст Ілья Івашка (73) у 1/8 фіналу мужчынскага адзіночнага разраду амаль чатыры гадзіны на роўных змагаўся з італьянцам Янікам Сінерам (13), але ў выніку ўсё ж уступіў - 1:6, 7:5, 2:6, 6:4, 3:6.

Агульны прызавы фонд адкрытага чэмпіянату ЗША складае $60 млн. Пераможцы ў мужчынскім і жаночым адзіночным разрадзе атрымаюць па $2,6 млн, фіналісты US Open-2022 атрымаюць па $1,3 млн. Спаборніцтвы на адкрытых хардавых кортах Нью-Ёрка завершацца 11 верасня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі