Сцяг Серада, 21 лютага 2024
Усе навіны
Усе навіны
Спорт
24 сакавіка 2023, 10:30

Беларуская "маладзёжка" згуляе з андорцамі ў кваліфікацыі ЧЕ

24 сакавіка, Мінск /Кар. БЕЛТА/. Футбалісты маладзёжнай зборнай Беларусі (U-21) 24 сакавіка пачнуць выступленне ў адборачным турніры першынства Еўропы 2025 года, паведамляе карэспандэнт БЕЛТА.

Свой першы дамашні матч у кваліфікацыйнай групе G беларуская "маладзёжка" правядзе ў армянскім Армавіры супраць равеснікаў з Андоры (пачатак у 15.00, прамая трансляцыя на тэлеканале "Беларусь 5"). У аўторак, 28 сакавіка, падапечныя Сяргея Ясінскага згуляюць у Афінах з камандай Грэцыі. У гэтай групе таксама выступяць футбалісты Партугаліі, Фарэрскіх астравоў і Харватыі.

Склады астатніх кваліфікацыйных груп:

А - Латвія, Італія, Ірландыя, Нарвегія, Сан-Марына, Турцыя;

В - Венгрыя, Бельгія, Іспанія, Шатландыя, Мальта, Казахстан;

С - Грузія, Швецыя, Нідэрланды, Паўночная Македонія, Гібралтар, Малдова;

D - Польшча, Эстонія, Германія, Ізраіль, Балгарыя, Косава;

Е - Арменія, Чарнагорыя, Фінляндыя, Швейцарыя, Румынія, Албанія;

F - Украіна, Англія, Люксембург, Паўночная Ірландыя, Сербія, Азербайджан;

Н - Аўстрыя, Францыя, Славенія, Кіпр, Боснія і Герцагавіна;

I - Літва, Чэхія, Данія, Ісландыя, Уэльс.

Матчы групавога этапу завершацца ў кастрычніку 2024 года. У фінальную стадыю маладзёжнага Еўра непасрэдна трапяць пераможцы дзевяці груп і тры лепшыя каманды, якія фінішуюць другімі. Яшчэ 6 уладальнікаў другіх месцаў у лістападзе 2024 года разыграюць 3 астатнія пуцёўкі ў Славакію, якая летам 2025 года прыме фінальны турнір маладзёжнага кантынентальнага першынства.-0-

Падпісвайцеся на нас у
Twitter
Топ-навіны
Свежыя навіны Беларусі