ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
Спорт
29 лістапада 2022, 12:24

Беларус першая зорка матчу. Дубль Шаранговіча дапамог "Нью-Джэрсі" перамагчы "Нью-Ёрк Рэйнджэрс"

Фота з архіва
Фота з архіва

29 лістапада, Мінск /Кар. БЕЛТА/. Беларускі форвард "Нью-Джэрсі Дэвілз" Ягор Шаранговіч прызнаны першай зоркай пераможнага гасцявога паядынку з "Нью-Ёрк Рэйнджэрс" у рэгулярным чэмпіянаце Нацыянальнай хакейнай лігі, паведамляе карэспандэнт БЕЛТА.

Мінулай ноччу на лёдзе легендарнай арэны "Мэдысан-Сквер Гардэн" хакеісты "Нью-Джэрсі" ўступалі гаспадарам 0:2, аднак потым змаглі зрабіць камбэк і дабіліся валявой перамогі з рэзультатам 5:3. На 14-й мінуце гульні Шаранговіч зрабіў лік 2:2, а за 16 секунд да заканчэння трэцяга перыяду паставіў апошнюю кропку, трапіўшы ў пустыя вароты сапернікаў. У гэтай сустрэчы Ягор Шаранговіч знаходзіўся на лёдзе 13 мінут, нанёс два дакладныя кідкі і пры паказчыку карыснасці "плюс 1" стаў лепшым іграком сустрэчы. Пасля 23 праведзеных гульняў у актыве беларускага нападаючага 14 (8+6) бамбардзірскіх ачкоў.

Для "Дэвілз" гэта дзясятая запар выязная вікторыя, што з'яўляецца паўтарэннем рэкорду каманды, які быў устаноўлены 11 гадоў таму. Цяпер "Нью-Джэрсі" ўзначальваюць турнірную табліцу Усходняй канферэнцыі НХЛ, набраўшы 38 ачкоў, на два балы адстае "Бостан Бруінз". У пятніцу, 2 снежня, хакеісты "Нью-Джэрсі Дэвілз" прымуць на сваёй арэне "Нэшвіл Прэдатарз", які займае 12-е месца ў Заходняй канферэнцыі, набраўшы 20 ачкоў у 20 праведзеных сустрэчах.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі