12 мая, Мінск /Кар. БЕЛТА/. Другая ракетка свету Арына Сабаленка пацярпела паражэнне на турніры WTA-1000 у Рыме з прызавым фондам $3,5 млн, паведамляе карэспандэнт БЕЛТА.
11 мая ў 1/32 фіналу беларуска сустракалася з прадстаўніцай ЗША Сафіяй Кенін (134-ы нумар сусветнага рэйтынгу) і ўступіла ў двух сэтах - 6:7 (4:7), 2:6. Матч доўжыўся 1 гадзіну 37 хвілін. У трэцім раўндзе Кенін будзе сапернічаць з украінскай тэнісісткай Ангелінай Калінінай (47).
Раней беларуская тэнісістка Вікторыя Азаранка (17) выйшла ў 1/16 фіналу, абыграўшы амерыканку Слоан Стывенс (36) - 6:4, 6:3. Наступнай саперніцай беларускі будзе яшчэ адна амерыканка Мэдзісан Кіз (23). Аляксандра Сасновіч (44) у першым крузе адолела канадскую тэнісістку Лейлу Фернандэс (50), а сёння ў 1/32 фіналу сустрэнецца з харваткай Доннай Векіч (24).
Жаночы турнір у сталіцы Італіі фінішуе 20 мая.-0-
