ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск +25°C
Усе навіны
Усе навіны
Спорт
06 ліпеня 2022, 11:32

Алімпійскі чэмпіён Максім Мірны святкуе 45-годдзе

Максім Мірны. Фота НАК Беларусі
Максім Мірны. Фота НАК Беларусі

6 ліпеня, Мінск /Кар. БЕЛТА/. Адзін з лепшых тэнісістаў у гісторыі суверэннай Беларусі алімпійскі чэмпіён Максім Мірны сёння святкуе 45-годдзе. З гэтай датай яго павіншаваў прэзідэнт Нацыянальнага алімпійскага камітэта Віктар Лукашэнка, паведамілі БЕЛТА ў прэс-службе НАК.

Максім Мірны з'яўляецца выхаванцам тэніснай СДЮШАР Мінскага аўтазавода, у якой пачаў займацца ў 1983 годзе. У пачатку 1990-х ён трапіў у знакамітую тэнісную акадэмію Ніка Балецьеры ў ЗША. У складзе нацыянальнай зборнай Беларусі ў Кубку Дэвіса Мірны дэбютаваў у 1994 годзе, у 16-гадовым узросце. На працягу 25 гадоў ён быў сапраўдным лідарам беларускай каманды і стаў рэкардсменам нацыянальнай дружыны, правёўшы за яе 96 матчаў.

Кіраўнік НАК адзначыў, што самай паспяховай для Максіма Мірнага стала летняя Алімпіяда ў Лондане-2012, на якой ён разам з Вікторыяй Азаранка заваяваў залаты медаль у спаборніцтвах змешаных пар. Усяго ў багатым паслужным спісе Максіма Мірнага 52 чэмпіёнскія тытулы ў парным разрадзе на турнірах па эгідай АТР, у ліку якіх 6 - на турнірах серыі Вялікага шлема.

Віктар Лукашэнка пажадаў Максіму Мірнаму моцнага здароўя, дабрабыту і ўсяго найлепшага.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі