ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
Грамадства
25 лістапада 2022, 11:27

"Застаўся пад уражаннем". Польскі палітолаг параўнаў стаўленне да гісторыі ў Беларусі і Украіне

Фота з архіва
Фота з архіва

25 лістапада, Мінск /Кар. БЕЛТА/. У Беларусі бачны гуманістычны падыход да пытанняў гісторыі. Такім меркаваннем у праекце "У тэме" на YouTube-канале БЕЛТА падзяліўся польскі палітолаг Матэвуш Піскорскі.

Каменціруючы меркаванні, што тэрыторыі Заходняй Украіны могуць увайсці ў склад Польшчы, палітолаг адзначыў, што для польскай дзяржавы гэта нявыгадна і бессэнсоўна. "Магу сказаць толькі, што там вельмі прыгожая прырода. Савецкі Саюз змог захаваць яшчэ і архітэктурную спадчыну, але пачынаючы з дзевяностых ніхто аб гэтым не клапаціўся. У адрозненне, дарэчы, ад Беларусі. Беларускае кіраўніцтва, нягледзячы на цяжкія польска-беларускія адносіны, змагло захаваць архітэктурныя помнікі, якія засталіся яшчэ з часоў першай Рэчы Паспалітай. Я бываў у Беларусі і застаўся пад уражаннем. Беларускае кіраўніцтва крыху інакш ставіцца да гэтых пытанняў. Яно не ператварае гістарычную спадчыну ў палітыку. Гэта гуманістычны падыход да пытанняў гісторыі", - сказаў Матэвуш Піскорскі.

У гэтым яго адрозненне ад украінскага кіраўніцтва, падкрэсліў палітолаг, якое амаль ва ўсіх абласцях устанаўлівае помнікі Сцяпану Бандэру. "У Польшчы, як і ў Беларусі, гэта выклікае агіду. Я разумею, калі іх устанаўліваюць у тым жа Львове, з якім украінскі нацыяналізм хоць неяк звязаны. Гэта зверская, варварская з'ява сапраўды развівалася на тэрыторыях цяперашняй Заходняй Украіны. Але якая сувязь у АУН і іншых калабарацыянісцкіх, фашысцкіх арганізацый з тэрыторыямі Цэнтральнай і Паўднёвай Украіны, мне незразумела", - адзначыў палітолаг.

Вяртаючыся да пытання аб Заходняй Украіне, Матэвуш Піскорскі заявіў, што з цывілізацыйнага, інфраструктурнага пункту гледжання адзіным момантам у гісторыі, калі гэтыя рэгіёны больш-менш развіваліся, быў перыяд Савецкага Саюза. "Але эканамічна і цывілізацыйна гэта ўсё роўна былі самыя адсталыя рэгіёны не толькі ва Украіне, але і ва ўсім СССР. Я вельмі спадзяюся, што нас ніхто не будзе прымушаць уключаць гэтыя землі ў склад Польшчы. Не гаворачы ўжо аб пытаннях бяспекі. Дастаткова ўспомніць, што адбывалася ў часы другой Рэчы Паспалітай. Або Бандэру і іншых украінскіх нацыяналістаў, якія, з'яўляючыся грамадзянамі Польшчы, вельмі актыўна спрабавалі разбурыць польскую дзяржаву знутры", - рэзюмаваў палітолаг.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі